Marka laga hadlayo xilli ciyaareedka kubada cagta, waa mid dheer oo adag Horyaalka Premier League, tusaale ahaan, 20 kooxood ayaa ciyaaraya 380 ciyaarood, iyada oo la ciyaaro bisha Augst ilaa bisha May ee sanadka xiga.
Horyaalka ayaa ah mdi xiiso leh iyada oo ay sanadihii ugu dambeeyay kooxuhu si dirqi ah ku kala qaadayeen isla aadayeena kulamada ugu dambeeyay.
Taariikhda horyaalka premier League waxa jirta laba xilli ciyaareed oo lagu kala baxay farqiga goolasha.
Arsenal ayaa xilli ciyaareedkan horyaalka premier Legaue ku hogaaminaysa farqiga goolasha iyaga oo isku dhibco ah kooxda Liverpool isla markaas leh min 64 dhibcood.
Hadaba warbixintan waxa aan ku soo bandhigi doonaa labadii xilli ciyaareed ee horyaalka England lagu kala baxay farqiga goolasha laguna kala qaaday horyaalka.
Manchester City & Manchester United: 2011-2012
Marka laga hadlayo farqiga goolasha in lagu kala boxo, waa sida ugu xanuunka badan ee ay koox ku lumin karto horyaalka Premier League.
Taasi waa sidii dhacday xilli ciyaareedkii 2011/2012 markaas oo ay Man City ku guulaystay horyaalkeedii ugu horeeyay premier League casriga.
Labada kooxood ayaa isku baacsanayay horyaalka intii badnayd xilli ciyaareedka iyaga oo ku dagaalamayay sidii ay ugu guulaysan lahaayeen horyaalka.
Maalintii ugu dambaysay ee horyaalka ayaa la gaadhay iyada oo labada kooxood ee Man United iyo Man City isku dhibco ahaayeen.
Man United ayaa la ciyaaraysay Sunderland halka ay Man City la ciyaaraysay kooxda QPR, markii ay ciyaartii United dhamaatay Waxa ay hogaaminayeen horyaalka halka Man City 2/1 lagu hogaaminayay ciyaarta wakhtigii dheeriga ahaa.
Laakiin Man City ayaa dhalisay 2 gool oo deg-deg ah waxana ay Man City ku guulaystay horyaalka iyada oo farqiga goolasheedu ahaa +64 halka Farqiga Man United ahaa +56.
Arsenal & Liverpool: 1988-1989:
Labada kooxood ayaa si adag ugu tartamayay horyaalka hadii ay Liverpool ay badin lahayd ama bar-baro gali lahayd waxa ay ku guulaysan lahayd horyaalka premier League.
Laakiin Liverpool ayaa looga badiyay 1/0 Hadii intaas wax ka badan looga badin lahaa Arsenal ayaa ku guulaysan lahayd horyaalka premier League.
Labada kooxood ayaa qaybtii hore ku kala baxay bar-baro, horyaalkuna waxa uu ku jiray gacanta Liverpool, Laakiin Alan Smith ayaa dhaliyay gool wakhti hore ah qaybta dambe laakiin wali horyaalku waxa uu ku jiray gacanta Liverpool.
Si kasta ha ahaatee daqiiqadii 91-aad ayuu Micheal Thomas Arsenal u dhaliyay goolka guusha kaas oo keentay in ay Arsenal ku guulaysato horyaalka.
Arrinta xiisaha lihi waxay tahay in labada kooxood aanay kaliya xilli ciyaareedka ku dhamaysan isku dhibco laakiin sidoo kale waxa ay isaga mid ahaayeen farqiga goolasha iyaga oo wada leh +37 Laakiin Arsenal ayaa dhalisay goolal ka badan kuwa ay Liverpoold dhalisay yagoo shabaqa soo taabtay 73 jeer marka loo eego Liverpool oo 65 jeer dhalisay taasoo u gacan galisay hanashada horyaalka.