Kooxaha ku tartamaya horyaalka premier League ee Arsenal, Man City iyo Liverpool ayaa bilaaban doona kulamada todobaadkan.
3-da kooxood ayaa ku tartamaysa horyaalka premier League iyaga oo kaliya hal dhibic kala sareeya.
Kooxaha 3-da ah ayaa kulamada Premier League soo galaya iyaga oo soo ciyaaray tartamada yurub xilli ciyaareedkan.
Ka hor kulamada premier League waxa is bar-bar dhig lagu sameeyay natiijooyinka ay helaan kadib marka ay ciyaaraan tartamada yurub.
Arsenal ayaa ciyaartay 8 kulan premier League kadib kulamada yurub waxa ay badisay 6 kulan waxana ay bar-baro gashay 2 kulan halka aan wax kulan ah laga badin.
Dhinaca kale Liverpool ayaa ciyaartay 8 kulan kadib kulamada yurub waxa ay badisay 5 halka ay bar-baro gashay 3 kulan isla markaas aan wax kulan ah laga badin.
Man City ayaa ciyaartay 9 kulan kadib kulamada yurub waxa ay badisay 3 halka laga badiyay hal kulan isla markaas ay bar-bar gashay 5 kulan oo dhan.