Kulan xiiso badan ayaa dhexmari doona xulalka England iyo Spain kaas oo ka tirsan tartanka Euro 2024.
Labada xul ayaa ku dagaalami doonaku guulaysiga koobka Euro ee sanadkan.
Hadaba warbixintan waxa aan ku soo bandhigi doonaa meelaha lagu kala badin karo kulanka:
NICO WILLIAMS v KYLE WALKER
Xiddiga ugu da’da weyn England ayaa ka hor iman doona mid ka mid ah xiddigaha ugu da’da yar tartanka Euro 2024.
Nico Milliams ayaa qaab ciyaareed cajiib ah ku jira waxana uu dhibaato ku ahaa daafac kasta oo uu ka hor yimid tartanka.
MARC CUCURELLA v BUKAYO SAKA:
Xiddiga Cucurella ayaa laga yaabaa in ay dad badan ku qiimeeyaan qaab ciyaareedkiisii kooxda chelsea ee xilli ciyaareedkii hore.
Laakiin xiddiga reer Spain ayaa is muujiyay intii uu socday tartanka Euro 2024 isaga oo fure u ahaa xulka qarankiisa.
Cucurella ayaa ka hor iman doona Saka oo ay si fiican isugu garanayaan horyaalka premier League maadama ay marar badan iska hor yimaadeen xilli ciyaareedyadii hore.
RODRI v PHIL FODEN:
Rodri ayaa qaab ciyaareedkiisii fiicnaa ku sii waday xulka Spain isaga oo xulkiisa ka caawiyay in ay gaadhaan guulo muhiim ah.
Waxa uu joojin doonaa xiddiga ay isku kooxda yihiin ee Foden oo aan ku jirin qaab ciyaareed fiican tan ilaa markii uu bilowday tartanka Euro 2024.