Wararkii ugu dambeyay ee ka imaanaya deeganada maalintii labaad lagu dagaalamaya.
Ciidamada Geesiyaasha ee Macawiislayda Xawaadle oo labadii cisho ee ugu dambeeyay ka dagaalamayay Deegaanka Mubaax ee Gobolka Hiiraan oo dagaallo la isku jilbo-dhigtay uu ka socday ayaa guullo wax ku ool ah ka gaaray fagaaraha dirirtu ka socotay, iyaga oo ka tallaabsaday meydadka argagaxisada, una sii gudbay Degmada Aadan Yabaal ee gobolka Shabeellaha dhexe oo ay ka dagaalamayaan afaafkiisa hore.
Dagaalka ayaa si lixaad leh ugu fidaya gudaha gobolka Shabeellaha dhexe markii xoogagga reer Hiiraan oo is-garabsanaya, kana kala yimid degmooyinka iyo deegaannada kala duwan ay xoogga saareen in ay ka difaacaan gobolkaasi gudaha degmada Aadan Yabaal oo ay hareereeyeen.
Gacan ku dhigidda degmada Aadan Yabaal, ayaa ka baajin doonta dadka reer Hiiraan in weerar dambe uga yimaado dhanka Gobolka Shabeellaha dhexe oo qaar ka mid ah tuulooyinkiisa ay ku sii siqayaan halyeeyada macawiislayda ee naftooda-hurayaasha ah.