Wararkii ugu dambeeyay ee dagaalka Hindiya iyo Pakistan.
-Pakistan ayaa sheegtay in ay billowday howlgal militair oo loogu magac daray “Bunyan Marsoos” (oo micnaheedu yahay “Darbi adag oo aan la jabin”), iyadoo weerarro lagu qaaday xarumo ciidan oo ku yaal gudaha India iyo Kashmir-ta ay maamusho India.
-Weerarada Pakistan waxay bartilmaameedsadeen saldhig diyaaradeed oo ku yaal Udhampur, garoonka diyaaradaha ee Pathankot, iyo bakhaar lagu keydiyo gantaalka BrahMos oo ku yaalla gobolka Punjab ee India, sida uu sheegay militariga Pakistan.
-Warbaahinta India ayaa sheegtay in weeraradaasi ay ku dhinteen ugu yaraan 5 qof, oo ay ku jiraan guddoomiye degmo iyo ilmo laba sano jir ah, kadib markii la duqeeyay degmooyinka Rajouri, Poonch iyo Jammu ee Kashmir.
-Sidoo kale, warbaahinta dowladda Pakistan ayaa sheegtay in la fuliyay weerar cyber ah oo lagu beegsaday nidaamka korontada ee India.
-Ra’iisul Wasaare Shehbaz Sharif ayaa isugu yeeray Shir Degdeg ah oo Nabadgelyo Qaran, oo ay ku jiraan hoggaan sare oo go’aan ka gaara arrimaha nukliyeerka.
-Dowladda India ayaa si ku-meelgaar ah u xirtay 32 garoon diyaaradeed oo ku yaal waqooyiga iyo galbeedka dalka.
-G7 ayaa ugu baaqay labada dhinac in ay muujiyaan is-xakameyn, kana fogaadaan dagaal, iyagoo ugu yeeray in ay si toos ah u wada hadlaan.
-Pakistan oo sheegtay in ay jabisay isgaarsiinta militari ee India iyada oo adeegsatay weerar cyber
Militariga Pakistan ayaa sheegay in ay fuliyeen weerar cyber ah oo carqaladeeyay awoodda isgaarsiineed ee militariga India, gaar ahaan dayax-gacyada isgaarsiinta iyo hagidda ciidamada.
Wararka ayaa intaa ku daraya in sidoo kale la beegsaday server-rada emailka dowladda India iyo mareegaha rasmiga ah.
Pakistan waxay sheegtay in weerarkan uu qeyb ka yahay howlgalka “Bunyan Marsoos.