WAR DEG DEG AH : Duqeyn Culus oo Ka Dhacday Deegaanka Tardo ee Gobolka Hiiraan
Warar hadda naga soo gaaraya gobolka Hiiraan ayaa sheegaya in duqeyn culus lagu beegsaday guri ku yaalla deegaanka Tardo, halkaas oo ay ku sugnaayeen xubno ka tirsan kooxda Khawaarijta.
Duqeyntan, oo dhacday fiidnimadii caawa, ayaa la xaqiijiyay in si gaar ah loogu bartilmaameedsaday xarun ay deganaayeen xubno ka tirsan kooxda, waxaana wararku sheegayaan in gurigaasi si buuxda loo burburiyay.
Ilo-wareedyo amni ayaa tilmaamaya in weerarka uu qeyb ka yahay howlgal ballaaran oo lagu ciribtirayo kooxaha As ee ku dhuumaalaysanaya qeybo ka mid ah gobolka Hiiraan.
Faahfaahin dheeraad ah iyo war rasmi ah oo ka soo baxa dowladda Federaalka Soomaaliya iyo hay’adaha amniga ayaa la filayaa in lagu dhawaaqo saacadaha soo socda.