Israel ayaa qiratay in khasaare ba’an kasoo gaarey gantaalaha roob la moodka ah ee Iiraan ku harqisay, Iiraan oo wada Hawlgalkeeda Balanqaadka Runta ah wejigiisa labaad waxay xalay beegsatay goobo badan oo muhiim u ah Israel.
Warsaxaafadeed lagu baahiyey Bogga Rasmiga ah ee Madaxtooyadda Israel, ayaa lagu sheegay in 8 qof oo 4 kamid ah caruur yihiin ay ku dhinteen gantaalaha Iran, waxay intaas ku dareen ilaa 200 inay ka dhaawacmeen, halka 35 qof aan lahayn geeri iyo nolol midna.
“Iiraan markale weerartay shacabkeena xili ay seexdeen, Iiraan waxay beegsanaysaa dad aan waxba galabsan, Israa’iil ayaa bartilmaameedsaneysa goobaha nukliyeerka iyo milatariga – si ay u joojiyaan nidaamka argagixisada adduunka ee ugu halista badan inay helaan hubka ugu halista badan adduunka, Waxaan sameyn doonaa wax kasta oo ay nagu qaadanayso in la difaaco dadkeenna”. Ayaa lagu yiri warka Dawlada Israel.
Israel ayaa ka cabanaysa in caruur laga diley xili la diiwaangeliyey in ka badan 18 Kun oo caruur ah oo ay Qasa ku dileen tan iyo 2024. Halka 20 caruur ah ay Iiraan ku dileen ilaa Jimcihii dhowaa.
.