Wafdi uu hogaaminayo Guddoomiyaha Baarlamaanka Jabbuuti Dileita Mohamed Dileita ayaa soo gaarey magaalada Muqdisho, isaga oo kulamo la yeelan doono Madaxda sare ee dalka.
Guddoomiyaha Golaha Shacabka, Sheekh Aadan Maxamed Nuur (Madoobe) oo ay wehliyaan Xildhibaano ka tirsan Golaha Shacabka ee Baarlamaanka dalka ayaa Garoonka Diyaaradaha ee Aadan Cabdulle kusoo dhoweeyay wafdi uu hogaaminayo Guddoomiyaha Baarlamaanka Jabbuuti.
Guddoomiyaha Golaha Shacabka ee Baarlamaanka Jamhuuriyadda Federaalka Soomaaliya, Sheekh Aadan Maxamed Nuur (Madoobe), ayaa si diiran u soo dhoweeyey wafdiga Jabuuti, wuxuuna sheegay in maalmaha ay joogaan ay qaadan doonaan kulamo ku saabsan xoojinta iskaashiga baarlamaanadda labada dal.
Booqashadan ayaa timid ka dib markii wafdiga Jabuuti lagu casuumay si rasmi ah.