Ciidamada Cirka ee Ukraine ayaa sheegay inay ka hortageen weerar culus oo dhanka cirka ah oo Ruushku ku soo qaaday guud ahaan dalkaasi.
Saraakiisha Militeriga Ukraine ayaa sheegay in ay soo rideen 58 ka mid ah 67 diyaaradood oo nuuca aan duuliyaha laheyn ah.
Burburka diyaaradii la soo riday ayaa sidoo kale laga helay agagaarka dhismaha baarlamaanka Ukraine ee caasimadda Kyiv.
Cutubyo ka tirsan difaaca hawada ayaa ka hortay diyaaradaha oo lagu arkay 11 gobol oo ku yaalla dalka Ukraine, sida ay ciidammada cirka ku sheegeen bayaan ay soo dhigeen Telegram.
Waxa ay sidoo kale sheegtay in diyaaradaha aan duuliyaha lahayn ee Shaheed laga soo duuliyay laba gobol oo ku yaalla xadka Ruushka iyo sidoo kale jasiiradda Crimea ee uu Ruushka qabsaday.