Madaxweynaha Turkiga Recep Tayyip Erdogan ayaa magaalada Istanbul kula kulmay Ra’iisul Wasaaraha Pakistan Shehbaz Sharif, iyagoo kulankooda ku soo beegmay toddobaadyo kadib markii uu dhacay dagaal dhexmaray Pakistan iyo Hindiya.
Madaxtooyada Turkiga ayaa sheegtay in labada hoggaamiye ay ka wadahadleen xoojinta iskaashiga labada dal, gaar ahaan dhinacyada difaaca, tamarta iyo gaadiidka.
Erdogan ayaa carabka ku adkeeyay in Turkiga iyo Pakistan ay wadaagaan xiriir qoto dheer oo ka xiriira dhinacyada waxbarashada, isdhaafsiga sirdoonka, iyo tiknoolajiyadda.
Kulankan ayaa kusoo beegmaya xilli dowladda Hindiya ay cambaaraysay Turkiga oo ay ku eedeysay inay hub siisay Pakistan, balse Xukumadda Ankara ayaa beenisay eedahaasi.