Sam Bankman Freid oo lagu naanayso ‘boqorka Lacagta Cryptocurrencies,’ ayaa lagu helay danbi ah inuu xaday balaayiin doollar oo uu ka dhacay macaamiisha sarifka cryptocurrency ee shirkadiisa, FTX.
Maxkamad ku taalla magaalada New York ee dalka Mareykanka ayaa ku xukuntay 25 sano oo xarig ah, taasoo dacwad oogayashu ku tilmaameen mid ka mid ah khiyaanooyinkii maaliyadeed ee ka dhacay Maraykanka.
Sidoo kale waxaa lagu qeexay burburkii ugu weynaa ee garaadka Silicon Valley, kaas oo ay la kulmeen dad caan ah oo ay ka mid ahaayeen Gisele. Bündchen iyo Tom Brady.
Bishii Noofambar 7, 2022-kii ayuu Bankman Freid la kulmay bilowga burburka shirkaddiisa. Horraantii maalintaas ayaa baraha bulshada lagu muujiyey walaaca ku gadaaman dhaqaalaha Bankman ee safirka cryptocurrency, taasoo keentay in macaamiishu ay balaayiin dollar kala baxaan shirkadiisa.
Wadahadal khadka ah, Bankman-Fried wuxuu la tashaday laba ka mid ah lataliyayaashiisa sare oo ku saabsan in hadalka khadka tooska ah ee isaga ka dhanka ah ay wax u dhimi karto sumcaddiisa.
Kuwani waxay ahaayeen nooca xisaabaadka Bankman-Fried uu samaynayey sannado badan, isla’egyada degdega ah ee asxaabtiisu ay sheegeen inuu u isticmaalay xaalad kasta sida qiimeynta ganacsiga khatarta ah.
Hal mar, habkani wuxuu u muuqday inuu shaqeynayo, iyo sida wiilka yaabka leh ee cryptocurrency, Bankman Fried, uu ku noqday taajir ka dhaqso badan qof kasta oo kale taariikhda, isagoo ururiyay qiyaastii $ 26 bilyan oo doollar.
Qoraal lagu daabacay barta X oo ay sii daayeen kuwa la tartamaya Bankman Fried ayaa sababtay in shirkadda ay lumiso balaayiin doollar wax ka yar shan maalmood, waxaana u sii dheer in ka badan 8 bilyan oo doollar oo dhaqaalaha macaamiisha ah, taasoo keentay in shirkaddu ay kacdo.
Shan asbuuc ka dib, dacwad oogayaasha Manhattan waxay ku soo oogeen Bankman Fried dambiyo maaliyadeed oo dhowr ah oo ay ka mid yihiin khiyaanada siliga, khiyaanada amniga, iyo lacagaha sida sharci darrada ah loo maamulay.
Muddo afar toddobaad ah oo tijaabo ah, waxaa soo baxay laba sheeko oo iska soo horjeeda. Mid ka mid ah, Bankman wuxuu ahaa mid ku guulaystay.
Bankman-Fried, wuxuu lunsaday balaayiin doollar oo maal-gelineed oo ay leeyihiin macaamiishiisa , isaga oo ku xisaabtamaya suurtogalnimada in aan waligiis dacwad lagu soo oogin.
Ninkan kama labalabayn arrintan, wuxuu damcay inuu taajir noqdo, laakiin sida uu sheegayo wuxuu rabay inuu ururiyo dhammaan lacagaas oo ka dhigo kuwa uu yabooh ahaan u bixiyo.
Sida uu ugu dhashay fikirkan ganacsi
XIGASHADA SAWIRKA,TRUSTNODES
Bankman-Fried wuxuu ahaa ilmo aan caadi ahayn, oo ay dhaleen waalidiin heer sare ah, oo ku tiirsan siyaasadda.
Markii uu Bankman-Fried arday ka ahaa Machadka Tijnoolayida ee Massachusetts ‘MIT’, waxa uu aaday muxaadaro uu bixinayay Will MacAskill, oo ah xeeldheere shahaada PhD ka qaatay Jaamacadda Oxford, kaas oo ardayda baraya falsafada isticmaalka xisaabta si uu u ogaado sida dadku uga fiicnaan karaan samafalkooda.
“Si aad uga faa’iideysato, waa inaad gashataa caqligaagga shirkad faa’iido leh oo aad ku deeqdo inta badan mushaharkaaga sababo muhiim ah,” McCaskill ayaa u sheegay Fried.
Bankman,wuxuu ku qancay fikraddaas, sanadkii 2014-kiina wuxuu ka shaqeeyay shirkada Jane Street ee ganacsi, waxaana la sheegay inuu ku deeqay kala bar dakhligiisa si uu u taageero arrimo wanaagsan.
Saddex sano ka dib, Bankman-Fried wuxuu saameyey shirkad ka dhigi karta mid hodan ah isagoo aan adeeegsnayn ganacsigii qadiimka ahaa.
Markii da’diisu ahay d 25 sano jir, wuxuu aasaasay Alameda shirkad maalgashi cryptocurrency ah, ka dib markii uu ogaaday in qiimaha Bitcoin uu si weyn u kala duwan yahay dalal kala duwan, saddex toddobaad gudahood, shirkaddu waxay kasbatay ugu yaraan $ 20 milyan.
Sanadkii 2019-kii , Bankman wuxuu aasaasay FTX, ka dibna Hong Kong isweydaarsiga cryptocurrency ee maalgashadayaasha caalamiga ah, sida Elizabeth Holmes, mid ka mid ah bilyaneerada Silicon Valley.
Bankman wuxuu awooday inuu ku qanciyo maalgashadayaasha shirkaddiisa iyo kalsoonideeda.
XIGASHADA SAWIRKA,GETTY IMAGES
Bilo gudahood, mugga ganacsiga maalinlaha ah ee FTX waxa uu gaadhay $300 milyan, 2021-kiina wuxuu soo galay liiska sanadlaha ah ee Forbes, dadka ugu qanisan Maraykankan kaas oo leh hanti dhan 22.5 bilyan oo dollar.
Guulaha cajiibka ee uu gaaran ninkan waxaa qaarkood loo nisbeeyey inay ugu wacan yihiin awooddiisa na caadiga ahayn ee u bareerida khataraha joogtada ah.
“Wuxuu halis geliyey wax walba,” saaxiibtiis hore iyo maamulihii hore ee Alameda Research, Carolyn Ellison, ayaa sidaas tiri iaydoo ka hadlaysay tijaabooyinkii bilowgha ahaa.
Shaqaale hore oo FTX u shaqayn jiray ayaa BBC u sheegay “in Bankman uu yahay mid na habaysnayn, mar kastana waxa uu xirtaa surwaal gaaban, ur xun, oo kabo la’aan ayuu ku wareegay xafiiska.”
Laakiin Natalie Tian, oo maamusha xiriirka dadweynaha iyo ajendaha Bankman ee FTX in ka badan laba sano, ayaa sheegay in uu lahaa shakhsiyad soo jiidasho leh.
Waxay u sheegtay BBC: “Waan ku kalsoonahay isaga 100%, ilaa heer ay mararka qaar awoodi waydo inaan dhiibto fikradayada.”
“Sheekada Fried waxay ahayd sheeko weyn, qof kastaa wuu jeclaa, xubnaha Congress-ka way jeclaayeen, maal-qabeennada ganacsiga way jecel yihiin, bangiyada ayaa jecel,” ayey sheegtay Fu.