Khuurada ayaa wax u dhinta maskaxda iyo jirka qofka ag jiifta qof khuurinaya. Sidoo kale guurka ayay burburisaa.
βWaxaan qosol ka sameeyaa khuurada ninkeyga aniga oo kula kaftama qoyskeyga iyo saaxiibadeey. Laakin xaqiiqada ayaa ah inaan aad u dhibanahay,β Sidaas waxaa tiri Arunika Selvam oo ah 45 jir u dhalatay Singapore oo xaas u ah nin qaba.
βMuddo afar sano ah waxaan dhinac jiifay odeygayga oo si aan loo dulqaadan Karin u khuuriya, aniga oo ku walwalsan sida uu u xanaaqi doono hadii aan u shego dhibka aan ku qabo,β ayay tiri hooyadaan haysata labada caruurta ah.
Khuurada ninkeeda ayaa waxay xalaad xun galisay xiriirka labadooda ka dhaxeeya, iyada oo sidoo kale hoos u dhigtay Tayada hurdada ee seygeeda, in kasta oo ay is leedahay waad iskala noolaan kartaa khuuradaan.
βWuxuu bilaabay inuu soo tooso habeenkii. Si wanaagsana habeenkii uma seexdo sidaas daraadeed subaxii jawigiisu ma fiicnaado,β ayay u sheegtay BBC da.
Inkasta oo khuuradu ay tahay dhibaato ka dhex jirta dadka is qaba ayaan hadana si wayn looga doodin dhibaatada ka dhalata.
Khubarada ka faalooda xiriirada caafimaadka qaba ayaa sheegaya in saameynta xu nee ka dhalata khuurada ee saameysa xiriirka ay tahay mid aad u sareysa oo ay la kulmayaan labada qof ee wada nool, sidaas daraadedna ay tahay in laga wada hadl arrintaan si furana looga dodo.
XIGASHADA SAWIRKA,GETTY IMAGES
Khuurada badan
Khuurada ayaa waxaa la xiriiriyaa xaalad caafimaad oo ah in qofka ay xiranto sanqaroorku markii uu jiifto. Xaalad xirmashada sanqaroorka ah ayaa la sheegay in ay bilaabato markii qofka ay neeftu hora yuga soo bixiso kadibna ay mar kale bilaabato socoshada neefta.
Xaaladdaan ayaa waxaa sababa ayaa la sheegay in ay sababto kadib markii ay dabcaan sidoo kalana ay qafiif noqdaan darbiyada neefmareenka, taas oo waxyeelo u gaysata nidaamka caadig ah ee neefsadasha, sababtana in oksajiintu ku yaraato.
Dr. Ramamurthy Sathyamurthy, oo ku taqasusay neefmareenka macalin na ka ah jaamacadda Cook University Hospital ee tuaalla dalka Ingiriiska, ayaa sheegay in xaaladda xiran sanqaroorka ay ka sii darto markii muddo la joogaba.
Sida uu sheegay dhaqtarku, xaalad caafimaad ayaa dhibaato taban oo ku keenta caafimaadka qofka khuuriya iyo sidoo kale xaalad caafimaad oo maskaxiyan iyo jir ahaanba ah oo ku timaada lamaanaha qodka khuuriya.
XIGASHADA SAWIRKA,GETTY IMAGES
Caalamadaha xanuunkaan khuurada sababa
Caalamadaha lagu garto in aad leedahay khuuradaan ay sababto xaaladda caafimaad ayaa waxa la sheegay in ay ka mid yihiin joojinta iyo dib u bilaabista neefsashada iyo soo kicitaanka dagdaga ah iyada oo neeftu kugu dhagan tahay.
Madax xanuunka malainkii ah, daal badan, in aad waxba diiradda saari waydo, hilmaanka badan iyo jawiga oo kugu xumaada ayaa ka mid ah waxyaabaha sidoo kale la sheegay inaad ku garan karto.
Maxaa xal u ah?
Mid ka mid ah waxyaabaha loogahortagi karo khuurada iyo xaaladda caafimaad ee sababta ayaa ah in aad badasho qaabka aad u nooshahay.
Inaad cayilka iska rido, joojinta cabista sigaarka iyo waxyaalaha lamidka ah iyo joojinta isticmaalka aalkolada ayaa ka mid noqon kara waxyaabaha xalka noqon kara.
Balse dadka qaar oo isticmaala mashiin sanka la gashto xilliga ay jiifanayaan oo loogu talagalay in uu nefta socod siiyo ayaa laga yaaba in uu lagama maar,aan noqdo mararka qaar.
Mashiinkaan ayaa mararka qaar noqoda mid wata afsaab la galiyo sank aiyo afkaba waxa uuna ka hortagaa neef qabatoonka xilliga jiifka.
Xaaska haweeneyda la hashaya BBC da ayaa sheegtay in odeygeedu bilaabay jimicsi si uu isaga rido miisaanka ugana soo kabto xaaladdaan caafimaad.