Dadka ku dhaqan meel dahabka laga qodo oo ku taal bariga Dalka Jamhuuriyadda Dimuqraadiga ah ee Congo ayaa gacmahooda oo qaawan iyo agabka aasaasiga ah u isticmaalayay inay soo saaraan macdan qodayaal dhulka hoostiisa ku jira.
Lix qof ayaa nolol laga soo saaray, iyadoo mid ka mid ah uu si xun u dhaawacmay, tan iyo markii ay burbureen biraha Lomera subaxnimadii hore ee Axadda,sida ay bbcda u sheegeen dad goobjoogayaal ah.
Dhinaca kale Warar is khilaafaya ayaa kasoo baxaya tirada dadka ku dhintay ee meydadkooda la soo saaray iyo kuwa wali ku jira dhulka hoostiisa.
Mid ka mid ah dadka deegaanka ayaa oo la hadlay Warbaahinta ayaa sheegay in la helay meydadka 12 qof halka dadka qaarna ay sheegayaan in aan wali wax meyd ah la helin
Degaankan oo ka tirsan gobolka Koonfurta Kivu ayaa waxaa gacanta ku haya fallaagada M23 tan iyo markii ay qabsadeen qeybo badan oo ka mid ah bariga qani ku ah macdanta DR Congo horaantii sanadkan.
Kooxda M23 ayaa diiday wararka sheegaya in boqolaal ay ku go’doonsan yihiin dhulka hoostiisa.