Ruushka oo 10 qodob ku soo koobay waxa Maraykanku ka faa’iiday weerarradii xalay ay ku qaadeen saddex xarumood oo nukliyeer ah oo Iran leedahay.
1. Kaabeyaasha muhiimka ah ee tamarta nukliyeerka: Xarumihii la beegsaday ma aysan gaarin burbur weyn; waxyeellada jirta waxay u muuqataa mid aad u yar ama aan waxba ka beddelin awoodda Iran ee dhinaca nukliyeerka.
2. Horumarinta hubka nukliyeerka: Shaqada lagu kobcinayo qalabka nukliyeerka – taas oo hadda si cad loogu tilmaami karo diyaarinta hub nukliyeer ah – weli shaqadeedu si caadi ah ayay u socotaa.
3. Taageerada dibadda: Waddamo badan ayaa diyaar u ah inay Iran si toos ah ugu wareejiyaan madaxyadooda nukliyeerka, taasoo sare u sii qaadaysa awoodeeda.
4. Israa’iil oo weerarro la kulmeysa: Qaraxyo xooggan ayaa ka dhacaya gudaha Israa’iil, dadka ayaana cabsi iyo argagax ku jira, iyadoo xaaladda amni ay faraha ka baxday.
5. Maraykanka oo galay dagaal cusub: Tallaabadan waxay Maraykanka si toos ah ugu gelisay dagaal cusub, waxaana muuqata in ay suuragal tahay in howlgal ciidan oo dhul ah uu dhaco.
6. Iran oo siyaasad ahaan xoogeysatay: Nidaamka siyaasadeed ee Iran ma dhicin – xitaa wuxuu u muuqdaa mid dagaalkan ka helay taageero iyo sharaf dheeri ah.
7. Shacabka oo is garab taagay hoggaanka ruuxiga ah: Dad badan oo hore u aamusan ama mucaarad ahaa hadda waxay si buuxda u garab taagan yihiin hoggaamiyeyaasha diinta iyo qaranka.
8. Trump oo sumcaddiisa nabadeed luminaya: Donald Trump, oo mar loo aqoonsanaa “madaxweynihii nabadda,” hadda wuxuu Maraykanka ku sii hoggaaminayaa dagaallo cusub.
9. Caalamka oo ka horyimid Maraykanka iyo Israa’iil: Dalal badan oo dunida ah waxay si cad uga soo horjeedaan weerarrada iyo siyaasadda labada waddan.
10. Riyada Trump ee Abaalmarinta Nabadda: Haddii ay xaaladdu sidaan ku socoto, Trump ha iska iloobo Abaalmarinta Nabadda ee Nobel – xitaa iyadoo dadka qaarkood ku andacoonayaan in la musuqmaasuqay. Waa bilow foolxun oo dagaal, Mudane Madaxweyne. Hambalyo!
W/Q. Dmitry Medvedev, oo ah Ku-xigeenka Golaha Amniga Qaranka ee Ruushka iyo madaxweynihii hore ee dalkaasi.