Real Madrid ayaa guul soo laabasho leh ka gaadhay Atletico Madrid iyada oo 5/3 ku garaacday kooxda ay dariska yihiin iyaga oo iska xaadiriyay Final-ka Spanish Supercopa.
Ciyaarta ayaa ahayd mid xiiso leh iyada oo ay labada kooxoodba soo bandhigeen qaab ciyaareed cajiib ah oo ay ku dagaalamayeen.
Atletico Madrid ayaa daqiiqadii 6-aad dhalisay goolka 1-aad waxana u dhaliyay xiddiga Mario Hermanos iyaga oo hogaanka u qabtay ciyaarta.
Kooxda Real Madrid ayaa daqiqiadii 20-aad iyo 29-aad dhlisay 2 gool oo deg-deg ah waxana u dhaliyay Antonio Rudiger iyo Ferland Mendy ka hor inta ayna Atletico Madrid dhalin goolka bar-baraha waxana u dhaliyay Antonio Griezmann kaas oo ciyaarta ka dhigay 2/2.
Qaybtii dambe ayay Atletico Madrid dhalisay gool waxana si khaldan isaga dhaliyay Antonio Rudiger.
Real Madrid ayaa dhalisay goolka 3-aad waxana u dhaliyay Dani Carvajal halka uu daafaca Atletico Madrid ee Stefan Savic si khaldan isaga daliyay ciyaartana ka dhigay 4/3 ay Real ku hogaaminayso.
Los Blancos ayaa daqii 120+aad dhalisay goolka 5-aad waxana u dhaliyay xiddiga Brahim Diaz waxana sidaas ku dhamaatay ciyaarta oo ay Real iska xaadirisay Final-ka tartanka.