Xoghayaha guud ee Qaramada Midoobay António Guterres ayaa ku dhawaaqay in Raisedon Zenenga oo u dhashay dalka Zimbabwe uu u magacaabay ku xigeenka Ergeyga Gaarka ah ee Qaramada Midoobay u qaabilsan Soomaaliya (UNSOM). Magacaabista Zenenga ayaa ku soo beegantay iyadoo uu xilka kala wareegay Anita Kiki Gbeho oo u dhalatay Ghana, taasoo heshay abaal-marin ku aadan wax qabadkeeda Soomaaliya.
Zenenga ayaa soo noqday ku xigeenka Ergeyga Gaarka ah ee Xoghayaha Guud ee Qaramada Midoobay u fadhiya Liibiya, isagoo sidoo kale soo qabtay xilka Kaaliyaha Xoghayaha Guud ee Qaramada Midoobay iyo Xiriiriyaha Howlgalka Qaramada Midoobay ee Taageerada Liibiya (UNSMIL) tan iyo 2020
Mudadii uu joogay Liibiya waxa uu soo bandhigay hoggaamintiisa hufan iyo xirfaddiisa diblomaasiyadeed, isaga oo gacan ka geystay dadaallada socda ee lagu xasilinayo gobolka. U wareejinta Zenenga ee Soomaaliya waxay astaan u tahay waqti muhiim u ah hawlgalka Qaramada Midoobay ee dalka, iyada oo ay sii waddo caqabadaha siyaasadeed iyo amni ee adag.
Zenenga ayaa xilal sare oo kala duwan ka soo qabtay Xarunta Qaramada Midoobay, Zenenga waxa uu muujiyay sida ay uga go’an tahay taageeridda hawlgallada nabad ilaalinta ee Afrika oo dhan. In ka badan 30 sano oo waayo-aragnimo ah gudaha Qaramada Midoobay, oo ay ku jiraan in la geeyo Liberia, Libya, Iraq-Kuwait, Sierra Leone, Somalia, iyo South Sudan, Zenenga khibradiisa iyo aragtidiisa waxay diyaar u tahay inay kobciso hawlgelinta Qaramada Midoobay ee Soomaaliya