Ra’iisul Wasaaraha Yuhuudda Benjamin Netanyahu ayaa qaatay go’aan qaraar oo muddo u qarsanaa Xukuumaddiisa oo ah in ay si cad u diidan yihiin Dowlad Falastiin leedahay oo ka Talisa Dhulka ay xoogga uga haystaan Shacabkaas.
Netanyahu ayaa Maraykanka ku wargeliyay in uusan aqbali doonin hadallo in muddo ah ay wadeen waddamo Carbeed iyo kuwo reer Galbeed ah oo Luuqad jilcan kula hadlay Yuhuudda oo ah in ay doonayaan Dowlad dhinac taalla Israaiil oo Falastiin leedahay.
Benjamin Netanyahu oo aad uga carooday dhiig-baxa xooggan ee kusoo gaaray dagaalka uu libinta ka waayay ee dhulka Falastiin uu ku qaaday 7dii Oktoobar 2023 ayaa markaan jiho kale waxa uu u diray hadal haynta ka taagan bariga dhexe.
Ninkaan culayska dhinacyada kala duwan ka haysta isla markaana ay farqaha uga dhegan yihiin Mucaaradkiisa, ehelka Maxaabiista Xamaas gacanta ugu jira, Maxkamadaha laga furay kiisaska Musuqa & cadaadiska ay saarayaan ciidanka ku dhibaataysan furimaha ayaa raadinaya qorshe uu culayskaas isaga dejiyo.
Wixii ka dambeeyay weerarkii 7dii Oktoobar 2023 ay Xamaas ku beegsatay Xeryaha Yuhuudda ay muddo ku faanaysay in aanay loo gudbi Karin waxaa qalqal uu galay Xukuumadda Benjamin Netanyahu oo lacag xad-dhaaf ah kusoo iibsatay hub aanay u suuragelin sidii ay rabtay.