Ciidamada Israel ayaa ka hor istaagay kolonyo cunto gargaar ah inay u safraan waqooyiga Gaza Talaadadii, sida ay sheegtay hay’adda cunnada adduunka ee Qaramada Midoobay (WFP).
Hay’adaha Qaramada Midoobay iyo saraakiisha Falastiiniyiinta ayaa ka digay in carruurtu ay gaajo u dhintaan, waqooyiga Gaza ayey Israel go’doomisay iyadoo sahayda muhiimka ah la diiday in la gaarsiiyo dadka u baahan.
“Kolonyo raashin ah oo 14-gaari ah – kii ugu horreeyay ee ay qaado WFP tan iyo markii ay joojisay keenista waqooyiga 20-kii Febraayo – ayaa waxaa dib u celiyay Ciidanka Difaaca Israa’iil ka dib markii ay muddo saddex saacadood ah ku sugayeen kontoroolka Waadi ee Gaza,” ayay WFP ku tiri hadal ay soo saartay.
Baabuurta xamuulka ah ayaa markii dambe waxaa boobay dad aad u badan oo quus taagan, iyagoo qaatay ku dhawaad 200 oo tan,” ayay tiri WFP.
Koox khubaro ah oo Qaramada Midoobay ah ayaa horaantii Talaadada ku eedeeyay Israa’iil inay si ula kac ah u gaajeysiineyso dadka Falastiiniyiinta” ee Gaza.
Ciidamada caalamiga ah waxay sii wadaan inay sahayda cuntada ku daadiyaan waqooyiga Gaza, laakiin kuwani macaluusha baajin maayaan, dedaalkoodana waa mid aan waxtar laheyn” ayay tiri WFP.