Ciidamada dowladda oo isugu jira Boliiska gaarka ah ee Haramcad, Ciidanka Xooga Dalka & Ciidanka Nabad Sugida iyo Sirdoonka Qaranka ayaa si wadajira howlgal qorshaysan ku galay deegaano dhowr ah oo ku yaala dhulka howdka ah ee u dhaxeeya deegaanka Jilib Marko iyo Buulo Nagey.
War kooban oo ka soo baxay warbaahinta dowladda ayaa lagu sheegay in ciidamada ay burburiyeen fariisimihii Al-Shabaab ee ku lahaayeen deegaannada ku yaala dhulka hawdka ee kala ah; Macalin Yuusuf, Nafaqow iyo deegaano kale ee ka tirsan gobolka Shabeelaha Hoose.
βDowladda Soomaaliya ayaa xoojisay dagaalka ka dhanka ah Al-Shabaab iyadoo maalmihii ugu danbeeyay ciidamada iyo shacabka oo is kaashanaya ay la wareegeen in ka badan 20-deegaan,βΒ sida lagu yiri war ka soo baxay dowladda.
Ciidanka dowladda ayaa howlgal ka dhan ah Al-Shabaab ka sameeyey deegaanka Jilib Marko ee gobolka Shabeelaha Hoose, ka dib markii halkaas ay ka dhacday duqeyn ay iska kaashadeen ciidanka dowladda iyo saaxiibada caalamka.