Madaxweynaha Jamhuuriyadda Federaalka Soomaaliya Xasan Sheekh Maxamuud oo farxadda Munaasabadda Ciidul fidriga awgeed kulan dhiirigelin ah la qaatay qaar ka mid ah Saraakiisha haweenka ah ee ku jira Ciidamada qalabka sida ayaa ku bogaadiyay sida nafhurnimada leh ee ay ugu taagan yihiin difaaca dalka, ilaalinta gobanimada iyo karaamada Ummadda Soomaaliyeed.
Qoraal kooban oo la soo dhigay barta Facebook ee madaxtooyada Soomaaliya ayaa lagu yiri,ย โMadaxweynaha ayaa tilmaamay in haweenka Soomaaliyeed ay yihiin laf-dhabarta dowladnimada Soomaaliya, waxa uuna ku booriyay in ay laba jibaaraan doorkooda halganka dib u xoreynta dalka, dhiirigalinta ciidamada qaranka iyo wacyi gelinta bulshada ee dagaalka ka dhanka ah Khawaarijta.โ
Saraakiisha uu Madaxweynaha Jamhuuriyadda Federaalka Soomaaliya Xasan Sheekh Maxamuud uu guddoonsiiyey bilad sharaf ayaa ka kala tirsan qeyb kala duwan ee ciidanka sida; Xoogga dalka, Booliska, Asluubta iyo Sirdoonka Qaranka.
Munaasabadda oo ka dhacday Aqalka dalka looga arrimiyo ee Villa Somalia ayaa waxaa goobjoog ka ahaa; Guddoomiye ku xigeenka koowaad ee Golaha Shacabka, Wasiirka Gaashaandhigga Soomaaliya, Wasiirka Amniga, Taliyaasha ciidanka Xoogga iyo NISA, iyo Taliye ku xigeenka Booliska.