Madaxweynaha Jamhuuriyadda Federaalka Soomaaliya Xasan Sheekh Maxamuud ayaa kulan gaar ah la qaatay saraakiisha iyo ciidamo katirsan kumaandooska sida gaarka ah u tababaran ee DANAB oo dhowaan ka qaybgalay dhoolatus Militari oo Kenya ka dhacay.
Ciidankaan metalayay Soomaaliya waxa ay kamid ahaayeen ciidamo & saraakiil ka kala socota 23 Dal oo wadajir usoo bandhigay tababarkooda heerka uu gaarsiisan yahay iyo in ay kaalintooda ka qaadan karaan dhoolatuskaan.
Madaxweynaha Jamhuuriyadda Federaalka Soomaaliya Xasan Sheekh Maxamuud ayaa ciidamada DANAB iyo saraakiisha ku dhiirrageliyay in ay soo bandhigeen aqoontooda, kartidooda & xirfaddooda sare.
Madaxweyne Xasan Sheekh Maxamuud oo dhinacyadiisa ay taagnaayeen Wasiirka Gaashaandhigga & Taliyaha Ciidanka Xoogga Dalka ayaa sheegay in ciidamadaan gaarka u tababaran ee Kumaandooska DANAB ay sare u qaadeen sumcadda Qarankooda.
Ciidamada Kumaandooska DANAB ayaa ka qaybgalay Dhoolatuskii Militari ee ka dhacay Dalka Kenya waxaana ay soo bandhigeen aqoontooda ciidan, sida ay u howlgalaan iyo hubka ay haystaan iyaga oo bandhigga la qaybsaday ciidamo Dalal kala duwan ka socday.
Mustaqbal