Madaxweynaha Jamhuuriyadda Federaalka Soomaaliya Xasan Sheekh Maxamuud ayaa sheegay in Dowladdu ay Diiradda saarayso dib u habaynta Ciidanka Qaranka si ay ula wareegaan masβuuliyadda ka saaran amniga Dalkooda.
Dr Xasan Sheekh Maxamuud oo khudbad u jeediyay Ciidamo katirsan Kumaandooska gaarka u tababaran ee Gorgor oo ka qallin-jebiyay tababarkii ay qaadanayeen ayaa sheegay in masβuuliyad ballaan ay ka saaran tahay amniga Dalka.
Madaxweyne Xasan Sheekh ayaa intaas ku daray in ciidamadaan kuwo kale ee howlgallada ku jira looga fadhiyo in ay Dalka ka saaraan βASβ isla markaana ay gacanta ku dhigaan masβuuliyadda ka saaran in ay amniga gacan adag ku qabtaan sida uu yiri.
Waxa uu ciidamadu la wadaagay deegaanno dhowr ah oo βASβ laga qabtay oo haatan ay ku sugan yihiin ciidamada Federaalka, Daraawiishta Dowlad-Goboleedyada iyo Dadka deegaanka ee loo yaqaan Macawiislayda loona baahan yahay in deegaannada kale ee maqan la qabto.
βDeegaanno badan oo muddo dheer ay joogeen argagixisadu ayaa xor ka ah maanta. Sharafta iyo karaamada ay umadda Soomaaliyeed leedahay cidda soo celin karta waa idinka iyo kuwa idinla mid ah ee ka qalin jabiya xeeryahanβΒ ayuu yiri Madaxweynaha JFS Xasan Sheekh Maxamuud.
Turkiga ayaa Soomaaliya u tababaray Saraakiil iyo ciidamo si gaar ah u tababaran kuwaas oo kala ah Kumaandooska Gorgor & Booliiska Haramcad, heshiiska labada Dowlad ka dhaxeeya ayaa dhigaya in Xukuumadda Ankara ay tababar siiso oo ay qalab militari ugu darto askarta Soomaalida ah