Madaxweynaha Dowlad-Goboleedka Hir-Shabeelle Cali Cabdullaahi Xuseen (Cali Guudlaawe) ayaa amar ku bixiyay in lasoo qabtay Dadkii ka dambeeyaY Dil Magaalada Ceel baraf loogu geystay Askar katirsan Ciidanka Xoogga Dalka.
Cali Guudlaawe ayaa 24 saac u qabtay soo qabashada Dadkii geystay Dilkaas si loo horgeeyo Maxkamad looguna ciqaabo fal dambiyeedkaas ay geysteen ee ka dhanka ah Shareecada Islaamka, Dhaqanka Soomaalida iyo Xuquuqda Aadanaha.
Guudlaawe ayaa miiska soo dhigay in falkaas dilka ah uu daba socdo isla xisaabtan lagu ciqaabo Dadkii nafta dhaafiyay Ciidamadaan katirsan Xoogga Dalka ee qaybta ka ahaa askarta sugeysa amniga Magaalada Ceel Baraf.
“Waa fal ka fog Shareecada Islaamka, dhaqanka suubban ee Soomaaliyeed iyo Xuquuqda Aadanaha. waxaan farayaa laamaha amniga 24-saac gudahood in sharciga la horkeeno cid walba oo ku lug-yeelato dhacdadii aragagaxa laheyd ee ka dhacday deegaan ku dhow degmada Ceelbaraf.” Ayuu yiri MW DG Hir-Shabeelle Cali Guudlaawe Xuseen.
Saraakiil katirsan Ciidamada ammaanka Dowlad-Goboleedka Hir-Shabeelle ayaa sheegay in ay ku raad-joogaan Raggii Dilka u geysteen ciidamadaan katirsan Xoogga Dalka ee la tilmaamay in falkaas nafta lagu dhaafiyay uu salka la galayo Dilal aanooyin ah