Madaxweynaha Dowlad-Goboleedka Jubbaland Axmed Maxamed Islaam Madoobe ayaa maanta tagay Degmada Afmadow ee Gobolka Jubada Hoose halkaas oo durba uu ka billaabay kulamo lagu dardargelinayo dagaallada ka dhanka ah ‘AS’.
Axmed Madoobe oo xiran Tuutaha Ciidanka ayaa kulan gaar ah la qaatay Saraakiisha Ciidamada ammaanka hoggaaminayo & xubno laga soo dhex xulay qaybaha kala duwan ee Bulshada oo uu dhammaantood kala hadlay xoojinta amniga.
Madoobe ayaa sheegay in Ciidanka Xoogga Dalka ee heer Federaal & Daraawiishta Dowlad-Goboleedka Jubbaland oo iskaashanaya in ay Gobolka Jubada Hoose Dowlad-Goboleedka Jubbaland ka wadaan howlgallo xooggan.
Guullo muhiim ah ayuu shaaciyay in ay wadajir u gaareen Ciidankaan ka kooban labada Heer ee waa Federaalka iyo Dowlad-Goboleedkaas loona baahan yahay in lasii xoojiyo si looga mira-dhaliyo himilooyinka muuqda sida uu hadalka u dhigay.
Gobolka Jubada Hoose waxaa ka socda howlgallo Xooggan oo ay iska kaashanayaan Ciidanka gaarka u tababaran ee Kumaandooska DANAB & Kuwa Daraawiishta ah ee Dowlad-Goboleedka Jubbaland horay loogu tababaray.
La soco wixii kasoo kordha