Gabar 25 jir ah ayaa u dhimata y buskud ay cuntay. Gabadhaan ayaa la sheegay in gashay xaalad xun kadib xasaasiyad ku kacday. Baakadda buskuka ay cuntay ayaan lagu xusun in uu ku jiro laws, kaas oo ay ku qabtay xasaasiyad.
Magaceda ayaa ahaa Orla Baxendale waxayna sameyn jirtay qoob ka ciyaar. Buskudka ayaa waxay la oibsatay tukaanka Stew Leonard mid kamid ah laamihiisa ku yaalla Maraykanka. Waxaa ku kacay xasaasiyad aad u daran.
Daawaynta la siiyay ayaan lagu guuleysan in ay ku badbaado.
Waaxaha maamula bakhaarada, cuntada iyo dawooyinka ee Maraykanka ayaa joojiyay iibinta buskudkii ay ku xanuunsatay gabadhu ee
Vanilla Florentine
Qiyaastii 500 oo baakad oo buskudkaas ah ayaa la ii biiyay, sidaas waxaa sheegay tukaanka Stew Leonard. Sidoo kale muuqaal ay baahiyeen ay ka dalbadeen macaamiishooda in ay soo celiyaan dhamaan baakadaha ay iibsadeen.
Orla ayaa cuntay buskudka ka hor inta aysan aadin bandhig ay ka dhigi leheed Connecticut. Qoyskeeda ayaa u sheegay BBC da in ay ka qayb gali leheed badhig ka dhici lahaa Wonderland.
Sidoo kale waxay sheegeen qoysku in ay ka war hayeen in ay qabto xasaasiyadda ka kacda lawska, aysanna aadi jirin banaanka iyada oo aan wadan daawooyinka loogu talagalay xasaasiyadda.
Balse waxaa la sheegay in daawadii ay sidatay xitaa ay waxba ka tari waysay, iyada oo dhimtay 11 kii bishana aan ku jirno ee Janaayo.
Markeedii hore ayaa la sheeay in ka timid dalka Ingiriiksa, iyada oo sanadkii 2018 kii u guurtay magaalada New York ee dalka Maraykank.
Tacsida gabadhaan ayaa is qabsatay baraha bulshada, iyaga oo sheegayay dadki in ay ahayd gabar fiican, hami leh oo taqaanay qoob ka ciyaarka. Sidoo kale waxaa la sheegay in ay ahayd qof firfircoon oo qurux badan.
Tukaanka Stew Leonord’s ayaa sheegay in dib u aruurinayaan buskadka maadaama aysan baakada uu ku jiro dusheeda ku xusin in ay ku jiraan laws iyo ukun, iyaga oo sheegay in uu yahay mid dhimasho sababi kara.
Buskudkaan ayaa lagu ibiyay laba magaalo oo ku yaalla gobolka Connecticut tan iyo lixdii November ee sanadkii 2023 dii.
Gudoomiyaha Ilaalada Iibsadayaasha ee gobolka Connecticut, Brian Caffarelli ayaa ku tilmaamay dhacdadaan mid qalbi jab ah oo musiibo ah.
Wuxuu sheegay in arrintaan ay aad uga war hayn doonaan, si kuwa lamid ah aysan u dhicin mustaqbalka.
Madaxa tukaanka Stew Leonard’s oo lagu magacaabo Stew Leonard ayaa ku eedeeyay shirkadda soo saartay buskudka in aysan ku muujin baakadda buskudka in ay isticmaaleen laws, sidoo kalana aysan ku wargalin arrintaas madaxa badqabka ee shirkadda.
Si kastaba, shirkadda soo saarta buskudyada oo lagu magacaabo Cookies United ayaa iska diiday eedeynta, iyaga oo sheegay in Tukaanka Stew Leonard ay ku wargaliyeen walxaha uu ka kooban yahay buskudku bishii July ee sanadkii 2023 dii.
Qareenka shirkadda buskudka ayaa sheegay in dhamaan badeecooyinka ay soo saarto shirkaddu lagu daabaco waxyaalaha ay ka kooban yihiin, balse badeecada ay u geeyaan tukaanka Stew Leonard laga daayo maadaama uu tukaanku ku buufiyo/daabaco magaciisa iyo astaantiisa dhamaan alaabaha uu gato.
War ay internet ka ku soo daabceen qareenada Orla, ayaa lagu sheegay, in baaritaanada hordhaca ah ayaa sheegayaan in dhimashada gabadha ay sabab u yihiin dayacaad ka timid dhanka shirkadda soo saartay bukudka iyo kuwa iibiyay intaba ah.
Ila aiyo haatan ma jiro wax talaabo sharci ah oo cidna laga qaaday.