Tababaraha Kooxda Man United ee Erik Ten Hag ayaa ka hadlay guuldaradii kooxdiisa ka soo gaadhay Fulham kulan ka tirsanaa premier League.
Kooxda Man United ayaa guuldaro 2/1 ah kala kulantay kooxda Fulham kulan ka dhacay Old Traford.
Ten Hag ayaa difaacay kooxdiisa kadib guuldarada waxana uu sheegay in ay muujiyeen qaab ciyaareed fiican iyo awood.
“Kooxdu waxay soo bandhigtay dabeecad weyn si ay dib ugu dagaalanto, waxaan u qalanay goolkii barbaraha”ayuu Ten Hag yidhi.
“Waxa aan bilownay in aan raadino goolka guusha, waxaan muujinnay shakhsiyad weyn iyo dabeecad.”
“Waa inaad aragto sawirka weyn. Sawirka weyn wuxuu u muuqdaa mid aad u wanaagsan.”ayuu sii raaciyay.