Wasiirka Arrimaha Dibadda Dalka Turkiga, Hakan Fidan ayaa maanta billaabaya safar uu ku tagayo Dalka Isutagga Imaaraatka Carabta si uu ula kulmo Madaxda Dalkaas oo dhexda ka galay Mowjado Siyaasadeed oo dhinacyo kala duwan uga yimid.
Bayaan kasoo baxay Wasaaradda Arrimaha Dibadda Turkiga ayaa lagu xaqiijiyay safarka Wasiir Hakan Fidan, mana la raacin faahfaahin dheeraad ah oo ku saabsan xogta safarkiisa kusoo beegmay waqtigaan Xasaasiga ah.
Ilo kala duwan ayaa sheegay in Dowladda Turkiga ay Isutagga Imaaraatka Carabta kala hadlayo xoojinta Iskaashiga gaarka ah ee labadaan Dal iyo in xal siyaasadeed la raadiyo si loo dejiyo xaaladaha culus ee Abu Dhabi wajahayso.
Meelo kala duwan oo Soomaaliya ay kamid tahay ayaa kulankaan Indhaha lagu hayaa maadaama Xiriirka Dowladda Federaalka iyo Turkiga uu yahay mid wanaagsan isla markaana maalin kahor Xukuumadda Dan-Qaran ay baabi’isay heshiisyadii ay kula jirtay Imaaraatka.
La soco wixii kasoo kordha Raddiphalgan.com