Miletariga Soomaaliya ayaa billaabay baaritaano lagu sameynayo dilka allaha u naxariistee Taliyahii guutada 26-aad ee xoogga dalka, Col. Cabdirahman Xujaale oo la dilay isaga oo ku sugan deegaanka Mubaax u dhaxeeya Magaalooyinka Moqokori iyo Aadan Yabaal.
Baaritaannada horudhaca ayaa tilmaamaya in askariga dilka geystay oo tirsana guutada Taliyaha, waxaana xogaha ay tilmaamayaan in gacanta lagu dhigay askariga dilka geystay lana filayo in la keeno magaalada Muqdisho.
Deegaanka Mubaax oo ku yaalla xuduudda u dhexeysa gobollada Hiiraan iyo Shabeellaha Dhexe ayaa xilliga dilka dhacayay waxaa ka socday dagaal u dhaxeeya ciidanka Dowladda iyo AS.
Col. Xujaale ayaa ahaa sarkaal si weyn uga qeyb qaatay howlgalka ka dhanka ah Al-Shabaab ee ka socda bartamaha Soomaaliya gaar ahaan gobollada Shabeellada Dhexe iyo Hiiraan.
Sidaan oo kale, waxaa deegaan hoos yimaada magaalada Afgooye ee gobolka Shabeellada Dhexe lagu dilay Gaashaanle Sare Nuur Farey oo ahaa Taliyihii Guutada 14 October, waxaa dowladda sheegtay in ay baareyso dilkaasi.