Tababaraha kooxda Arsenal Mikel Arteta ayaa difaacay go’aankii uu kursiga kaydka ku dhigay Eddie Nketiah kadib guuldaradii Gunners ka soo gaartay wareegii saddexaad ee FA Cup-ka Liverpool.
Gunners ayaa guuldaro 2/0 ah kala kulantay Liverpool kulan ka dhacay Emirates iyada oo labada gool wakhti dambe oo ciyaarta ah yimaadeen.
Arsenal ayaa maamulaysay ciyaarta 45-kii daqiiqo ee ugu horeeyay waxana ay awoodeen in ay dilaan ciyaarta qaybtii hore marka loo eego fursadihii ay heleen.
Si kasta ha ahaatee Arsenal ayaa ku fashilantay in ay ka faa’iidaysato fursadihii ay heleen ciyaarta.
Kadib dhaawaca Gabriel Jesus waxa la filayay in uu xiddiga Nketiah hogaamiyo weerarka kooxda Arsenal.
Laakiin Arteta ayaa iska indho tiray waxana uu ka doortay xiddiga Kai Havertz kaas oo si weyn ugu fashilmay in uu saamayn yeesho laakiin Arteta ayaa difaacay go’aankii uu ugu bilaabay xiddiga Havertz.
Mar wax laga weydiiyay go’aankii uu u qaatay inuu keydka ku dhigo ayuu yidhi”Waxay ahayd sababihii aan fileynay, gaar ahaan qeybta hore ee ciyaarta waxaan rabnay”.