Waxa si Rasmi ah u furmay suuqa kala iibsiga January iyada oo kooxuhu bilaabeen in ay xoojiyaan meelaha ay ka jilisan yihiin.
Xiddigo badan ayaa la filayaa in ay ku biiraan kooxo kale iyaga oo doonaya in ay u tartamataan koobabka qaybta dambe ee ciyaarta.
Halkan kaga bogo wararkii ugu dambeeyay ee suuqa kala iibsiga.
Xiddiga Kooxda PSG ee Kylian Mbappe ayaa heshiis la gaadhay si uu ugu biiro kooxda Real Madrid dhamaadka xilli ciyaareedka (Foot Mercato).
Real Madrid ayaa Mbappe oo heshiiskiisu dhacayo dhamaadka xilli ciyaareedkan ayaa u soo bandhigtay lacag ka yar lacagtii ay u soo bandhigtay xiddiga sanadkii 2022 (Athletic).
Si kasta ha ahaatee Mbappe ayaa doonaya in uu ku biiri karo Premier League (Times).
Liverpool ayaa heli karta lacag hadii uu kabtankeedii hore ka tago kooxda Al-Ettifaq Jordan Henderson (Mirror).
Kooxda Arsenal ayaa doonaysa in ay la soo wareegto saxiixa xiddiga khadka dhexe ee kooxda Everton ee Amadou Onana (Football Insider).
Si kasta ha ahaatee kooxda Everton ayaa dalban doonta lacag dhan ugu yaraan 60 milyan oo euro hadii ay iibinayso Amadou Onana (Football Insider).
Kooxaha chelsea, Man United iyo Ac Milan ayaa doonaysa saxiixa daafaca dhexe ee kooxda Nice ee Jean-Clair Todibo (RMC).
Xiddiga weerarka uga ciyaara kooxda Brentford ee Ivan Toney ayaa doonaya in uu sii joogo kooxdiisa ugu yaraan ilaa dhamaadka xilli ciyaareedkan (Mirror).
Tababaraha Kooxda Arsenal ee Mikel Arteta ayaa sheegay in ayna kooxdiisu la soo saxiixan doonin weeraryahan suuqa January (Sky).
Wakiilada xiddiga Kylian Mbappe ayaa beeniyay wararka sheegaya in uu xiddigu heshiis la gaadhay kooxda Real Madrid si uu ugu biiro xagaaga (RMC Sport).
Kooxda Barcelona ayaa loo soo bandhigay saxiixa xiddigii hore ee kooxda Man United Jesse Lingard (Sport).
Xiddiga Liverpool ee Fabio Carvalho ayaa ku dhaw in uu amaah ugu biiro kooxda Hull City (Mirror).