Mayarka Magaalada Beledweyne Nadar Tabaax ayaa saxiixday Mashruuca dhismaha wadda Laamiga ee Beledweyne.
Munaasabadda saxiixa dhismaha wadda Laamiga ee Beledweyne waxaa ka sugnaa Guddoomiyaha gobolka Hiiraan Mudane Muuse Wehliye, Guddoomiye ku xigeenka Maaliyadda iyo gobolka Hiiraan Mudane Xasan Ibraahim Cabdulle, Guddoomiye ku xigeenka Howlgaha guud ee Maamulka gobolka Hiiraan Cabdi xuuf, Guddoomiyaha degmada Beledweyne Mudane Cumar Cismaan Calasoow.
Mashruucan oo uu maalgalinayo Bangiga aduunka waxaa helistiisa soo dharan dhariyay Madaxweynaha Dowladda Hirshabelle Mudane Cali Cabdullaahi Xuseen Cali Guudlaawe Guddoomiyaha Gobolka Hiiraan Mudane Muuse Salaad Wehliye iyo Mayarka magaalada Beledweyne Nadar Tabaax Maalin.
Labada Kambani ee qaatay dhismaha wadda Laamiga ee Beledweyne ayaa kala ah Buruuj Construction Company, iyo Istaahil Construction Company.
Istaahil Construction Company ayaa dhiso doona 3-KM oo ka bilaabani Janta-kun-dhishe kuna eg Garaashka Baradhada ama halka uu ku egaa dhismaha Laamigii hore ee Beledweyne.
Halka Buruuj Construction Company uu isna dhiso doono 3-KM oo laga bilaabo Suuqa Xoolaha Xaafadda Howl-wadaag illa Burjada-Ceynta taasi oo wadarta guud ee qeybta Koobaad ee dhismaha wadda Laamiga ee Beledweyne ka dhigeysa 6-KM.
Dhismaha wadada Laamiga ah ee Beledweyne oo si casri ah loo dhisi doona ayaa la jaan qaadaya Laamiyada adduunka iyo kuwa horay loga dhisay magaaloiyin kamid ah Soomaaliya sida Baydhabo, waxaana Injineerada farta aay ka saareen Nashqadda dhismaha Laamiga Kambaniyada mashruuca fulinayada oo weli aay u dheertay kormeer shaqo iyo isla xisaabtan dhab ah si looga fogaado in dhismaha wadada Laamiga uu qaldamo ama qaab aan qurux badneyn loo dhiso.
Qeybaha kale ee dhismaha Laamiga ayaa iyane bilaaban doona madama ayada oo laga fogaano Jaamka wadada Laamiga la keenay qorshe qeyba mar wadada Laamiga lagu dhisayo.