Xukuumadda Benjamin Netanyahu oo ku fashilantay dagaalka ay kawaddo dhulka Falastiin, Soo furashada Maxaabiista sida awoodda ah Xamaas uga soo qafaalatay 7dii Oktoobar 2023 iyo kahortagga duqaynta ku hoobanaysa Magaalooyinka ay xoogga ku joogaan ayaa dhinac iska dhigtay goβaanka Xabbad-joojinta ah ee Golaha Ammaanka Qaramada Midoobay.
Dalal badan oo xubno ka ah Golaha Ammaanka ayaa soo jeediyay in la qaado tallaabada ku habboon ee gacmaha Israaiil lagu qaban karo kaddib markii saacadihii lasoo dhaafay ay kordhisay duqaynta ay ka gaysanayso Magaalada Gaza taas oo meesha ka saartay rejadii xabbad-joojinta codaynta lagu gaaray.
Shiinaha oo kamid ah Dalalka joogtada ah ee Golaha Ammaanka ayaa aad uga carooday in Yuhuuddu ay meel iska dhigto qaraarkii ay wada-gaareen 14ka Dal ee xubnaha ugu goβaanka culus ah ee Qaramada Midoobay taasina ay ka dhigan tahay in Israaiil ay muujinayso in ay ka awood sarrayso Axdiga Xubnaha Golahaan ku heshiiyay.
Waa maxay Sababta Israaiil ay dhegaha uga furraysatay qaraarka Golaha Ammaanka?
Fasiraad kala duwan ayaa laga bixinayaa marka la eego warbixinno la xiriira tallaabada Israaiil ay samaysay ee kahor imaanaysa Qaraarka tirsigiisu yahay 2728 ee Golaha Ammanka Qaramada Midoobay ku sheegay in loo baahan yahay Xabbad-joojin degdeg ah oo ka dhaqangasha Bariga Dhexe si gargaarka xayiran loo fasaxo.
Xukuumadda Netanyahu ayaa diidan in ay xabbad-joojin gasho iyada oo aanay guul ka gaarin qorshihii ay horay ugu joojisay xabbad-joojintii hore ee Maxaabiis is dhaafsiga ahayd ee socotay 5ta Cisho, haddii goβaankaan ay aqbasho waxa ay ka dhigan tahay in guuldarro siyaasadeed ay kala kulantay qorshiheedii Militari.
Marka xigta waxa ay garab ka raadinaysaa Maraykanka oo diiday in uu kahor istaago goβaanka Golaha Ammaanka maadaama uu adeegsan karay codka Diidmada qaxayan si lamid ah marar hore oo uu sidaas sameeyay, markale ayay rabtaa in fadhi kale la isugu yimaado sidaasina uu Maraykanku ku diido xabbad-joojinta.
Waxyaabaha kale ee aadka loo hadal hayo waxaa kamid ah in Raβiisul Wasaaraha Israaiil oo ku furan dacwad maxkamad uu diidan yahay in nafis yar laga helo dagaallada socda waxaana sidoo kale uu indhaha ka qabsanaya dibadbaxyada ehelka dadkooda la haysto ee ku cadaadinaya in wada-xaajood lagu soo daayo Dadkooda.
Maxaa u furan Golaha Ammaanka haddii Israaiil diiddo Xabbad-joojinta?
Waa suβaal inta badan ay is waydiinayaan Dadka sida gaarka ah ula socda Arrinta ka jirta Bariga Dhexe maadaama Maraykanka iyo Dalalka kale ee Reer Galbeedka ah lana safan ay ku doodi jiraan in goβaamada Qaramada Midoobay ay yihiin geed ka goβan oo ciddii diida meel looga soo wada jaysto oo goβdoon siyaasadeed, dhaqaale & dhinac weliba ah la geliyo.
Golaha Ammaanka waxaa u furan in uu adeegsado awood dheeraad ah sida in Masaarida lagu qasbo in ay shuruud laβaan fasaxdo gargaarka bani aadamnimo ee u xayiran dhowrista Heshiiskii ay horay Israaiil ula gashay haddiise Xukuumadda Qaahira diido qudheeda la saari doonno caadis aad u culus oo ugu dambayn jebinaya xeendaabka Yuhuudda.
Maraykanka ayaa laga boglaynaya waayo ma diido qaraarka Golaha Ammaanka ee Qaramada Midoobay mana kasoo hari karo rukunkiisa ugu wayn ee dhinaca hubka ka iibsada ee Israaiil wuxuuse had iyo jeer eegayaa halka dabaysha u tuurto waana tan keeni karta in ugu yaraan isbaddel degdeg ah uu ka dhaco dhinaca Yuhuudda.
La soco wixii kasoo kordha