Sida ay baahisey wakaaladda wararka Fars ee dalka Iraan, qarax ayaa laga maqlay waqooyi-galbeed ee magaalada Isfahan subaxnimadii hore ee Jimcaha. Qaraxa ayaa laga maqlay garoonka diyaaradaha ee bartamaha magaalada Isfahan, balse ilaa hadda lama oga sababta ka dambeysay.
Gantaal ay Israa’iil leedahay ayaa ku dhacay Iran, sida ay laba sarkaal oo Maraykan ah u sheegeen TV-ga CBS. Warbaahinta dowladda Iran ayaa ku warramaysa in la hakiyay duulimaadyadii isaga kala gooshi jiray magaalooyin dhowr ah, sida ay sheegtay wakaaladda wararka ee AP. Iran ayaa heegan sare gashay ka dib markii Israa’iil ay sheegtay in ay ka jawaabi doonto weerarkii Iran ay ku qaaday Israa’iil habeenkii Sabtida.
Duulimaadyada diyaaradaha ee magaalooyinka Isfahan Shiraz iyo Tehran, ayaa hakad kooban galay waloow cabaar kadib dowladda Iiraan ay sheegtay in wax walba sidoodii yahiin duulimaadyaduna bilowdeen.
Gobolka Isfahan waxaa ku yaal saldhig weyn oo dhanka cirka ah, xarun weyn oo lagu sameeyo gantaalada iyo goobo badan oo xarumo Nukliyeer ah.
TV-ga qaranka Iran ayaa sheegay in saddex diyaaradood oo nooca aan duuliyaha lahayn ah lagu arkay hawada Isfahan abaaro 12:30 GMT, waxaana la burburiyay ka dib markii la hawlgeliyay nidaamka difaaca hawada ee dalkaas, sida ay sheegtay wakaaladda wararka ee Reuters.
Dhanka kaleTelefishinka qaranka Iran ee IRIB ayaa sheegay in xafiiska warfaafinta ee golaha sare ee amniga qaranka uu “dafiray wararka ay baahiyeen warbaahinta shisheeye ee sheegaya in shir degdeg ah uu goluhu isugu yeedhay”
XIGASHADA SAWIRKA,GETTY IMAGES
Siidhiga digniinta ah oo ka dhawaajiyay waqooyiga Israa’iil subaxnimadii Jimcahan ayaa ahaa qaylo-dhaan been ah, Ciidanka Israa’iil ayaa sheegay, sida ay sheegtay wakaaladda wararka ee Reuters.
Kadib duqeyntii Iraan ee Isra’iil waxay Israa’iil samaynaysay hanjabaaddo ku aadan in ay ka jawaabi doonto weerarkii Iraan. Iraana waxay sheegtay in haddii taasi dhacdo ay jawaab adag kala kulmi doonto. TV-ga dalka Iraan ayaana hoos u dhigay mugga weerarka la sheegay saaka.
Wariyaha dhanka Amniga uga warrama BBC-da Frank Gardner ayaa sheegay in haddii tani tahay jawaabta ay Israa’iil ka bixisay weerarkii habeenkii sabtida ay noqonayso mid aan u kooban cabir iyo xad ahaan. Magaalada Isfahan ayaana u muuqata xaaladeedu haddeer in ay tahay mid caadi ah.
Haddii wararku sii kordhaan ayuu sheegay in ay noqon doonto labo waxyaabood uun: In halkaas ku dhammayso Israa’iil weerarkii ay sheegaysay in ay ku qaadi doonto Iraan iyo in Iiraan ay dib uga falcelin doonto dhacdadaan.
Warbaahinta dowladda Iraan ayaana sheegtay in wax waxyeelo ah ayna ka jirin magaalada Isfahan dhawaqa la maqlayna uu yahay difaaca cirka oo beegsanaayay wax laga shakiyay.
Saamaynta
Qiimaha Shidaalka iyo Dahabka Adduunka ayaa kor u kacay, waxaana hoos u dhac ku yimid saamigiisii, kaddib markii saraakiisha Mareykanka ay sheegeen in gantaal ay Israa’iil ku garaacday Iran.
Dowladda Australia ayaa muwaadiniinteeda u sheegtay in ay ka baxaan Israa’iil kadib markuu weerar dhacay,
“Waxaa jirta khatar sare oo aargoosi militari ah iyo weeraro argagixiso oo ka dhan ah Israa’iil iyo danaha Israa’iil ee gobolka oo dhan. Xaaladda amnigu si dhakhso ah ayey u xumaan kartaa,” waaxda arrimaha dibadda iyo ganacsiga ee Australia ayaa ku tiri barteeda Smartraveller ee X.
Macluumaadkan waxaa daabacay Twitter. Waxaan dalbanayenaa fasaxaaga ka hor inta aan la furin, waxaa laga yaabaa inay isticmaalayaan cookies iyo farsamooyin kale. hadii aad u bahato akhri Twitter xeerarka cokie iyo kan ku saabsan xogta gaarka ah ka hor inta aadan aqbalin. si aad u aragto xogta guji ‘aqbal oo soco’.