Asma Fawas Akhras oo ah Marwada Madaxweynihii dhowaan laga eryay Dalka Suuriya waa Bashaar Al-Asad oo haatan ku nool Magaalada Moscow ee Caasimadda Ruushka ayaa la sheegay in ay dalbatay furiin maadaama ay la qabsan weysay nolosha Magaaladaas.
Haweeneydaan oo heysata dhalashada Ingiriiska iyo Suuriya ayaa doorbideysa Nolosha Magaalada London oo ay kasoo guurtay iyada oo 25 jir ah waa sanadkii 2000 xiligaas oo uu guursaday Bashaar Al-Asad.
Warbaahinta Turkiga & Kuwa Carabta oo baahiyay xogtaan ayaa sheegay in Asma ay Bashaar ka codsatay in uu furo si ay u degto Magaalada London maadaama isaga oo qaba aanay u suuragaleyn in ay saldhigato Magaaladaas.
Maxkamad ku taalla Ruushka ayay u gudbisatay warqadda ay ku dalbaneyso in la dalaaqo ama la furo balse xog intaas dhaafsiisan lama bixin inkasta oo aanay jirin war faah-faahin ah oo kasoo baxay qoysaskaan naf la cararka ah ee Moscow ku sugan.
Eedaha loo jeedinayo qoyska reer Bashaar Al-Asad ayaa maalmihii lasoo dhaafay bannaanka usoo baxay, waxaa intaas dheer in inta badan Warbaahinta xogtooda wax ka sheegeysa aanay jirin cilaaqaad kala dhaxeeya Dalka magangalyada siiyay ee Ruushka.