Wargeysyada Ingariiska ayaa ku waramaya in kooxda Manchester United ay ku fikireyso in ay u dhaqaaqdo mid ka mid ah xiddigaha kooxda chelsea.
Wargeyska “Daily Mail” ee ka soo baxa Ingiriiska ayaa sharaxay in Manchester United ay ka fiirsaneyso inay u dhaqaaqdo Ben Chilwell, daafaca bidix ee Chelsea, inta lagu guda jiro xilliga kala iibsiga xagaagan.
Wargayska Ingiriiska ayaa sii waday in Man United ay wadahadalo la qaadatay xiddiga reer Spain ee Marc Cucurella.
Isla wargayska ayaa sheegay in wadahadaladii u dhexeeyay labada kooxood uu burburay kadib markii ay ku guuldareysteen inay ay ogolaadaan qiimaha ay doonayso chelsea.
Red Devils ayaa ku dhibtooneysay maqnaanshiyaha Luke Shaw iyo Tyrel Malasia, oo daafaca dambeedka ka ciyaara, xilli ciyaareedkii hore.
Chelsea ayaa Ben Chilwell kula soo wareegtay 50 milyan xagaagii 2020 Leicester City.
Daafaca bidix ee England ayaa ka qeyb galay 21 kulan oo uu la qaatay Blues, tartamada oo dhan, xilli ciyaareedkii 2023-24, halkaas oo uu ka caawiyay hal gool.