Dowladda Federaalka Soomaaliya ayaa si rasmi ah ugu hambalyeysay Madaxweynaha Jabuuti Maxamuud Cali Yuusuf oo loo doortay Guddoomiyaha cusub ee Midowga Afrika (AUC).
War saxaafadeed uu soo saaray Madaxweyne Xasan Sheekh Maxamuud ayaa hambalyo diiran ugu diray Yuusuf, isagoo ku nuux-nuuxsaday sida ay Soomaaliya uga go’an tahay inay si dhow ula shaqeyso hoggaamiyaha cusub ee Midowga Afrika si loo horumariyo nabadda, amniga, iyo horumarka qaaradda.
Anigoo ku hadlaya magaca shacabka iyo dowladda Soomaaliyeed, waxaan ugu hambalyeynayaa H.E. Maxamuud Cali Yuusuf oo loo doortay Guddoomiyaha Guddiga Midowga Afrika, Soomaaliya waxa ay rajaynaysaa in ay si dhow ula shaqeyso guddoomiyaha cusub si loo horumariyo himilooyinka la wadaago ee nabadda, amniga, iyo horumarka qaaradda,” ayuu yiri Madaxweyne Maxamuud.
Maxamed Yuusuf ayaa ku guulleystay doorasho adag oo uu la galay Mas’uuliyiin ka kala socday dalalka Jabbuuti iyo Madagasar.