Madaxweynaha maamulka Somaliland Cabdiraxmaan Maxamed Cabdullaahi (Cirro) oo khudbad ka jeedinayey munaasabadda 18 May ayaa ka…
Madaxweynaha maamulka Somaliland Cabdiraxmaan Maxamed Cabdullaahi (Cirro) oo khudbad ka jeedinayey munaasabadda 18 May ayaa ka hadlay qorshaha xukuumaddiisa ee mushkiladaha siyaasadeed ee Somalia iyo doonistooda ku aadan madax banaani maamulkaasi ka helo Soomaaliya inteeda kale.
Madaxweyne Cirro ayaa sheegay in Somaliland ay diyaar u tahay iyadoo qaran madax banaan ah inay door ka qaadato xal u helidda dhibaatooyin uu sheegay inay haystaan Soomaaliya.
“ Waxa aanu ku kalsoonnahay Jamhuuriyadda Somaliland oo qaran madax bannaan ahi, inay wax badan ka qaban karto xal u helidda dhibaatada Soomaaliya haysata”, Ayuu yiri Madaxweynaha Somaliland Cabdiraxmaan Cirro.
Dhanka kalena, Cirro ayaa sheegay in Somaliland buuxisay dhammaan shuruudihii looga baahnaa ayna dalal badan oo caalamka ah gaarsiiyeen codsi ku aadan aqoonsi lasiiyo maamulkaasi,“ Maanta Jamhuuriyadda Somaliland waxa ay buuxisay halbeeg kasta oo laga filayo Qaran madax-bannaan”.