Waxaan u hambalyeynayaa Ugaaska Beesha Xawaadle, Ugaas Yuusuf Ugaas Xasan Ugaas Khaliif Ugaas Rooble, oo maanta lagu caano-shubay munaasabad ka dhacday deegaanka Daaro Ugaas ee Gobolka Hiiraan.
Waxaan bogaadinayaa dhammaan waxgaradka, cuqaasha, ganacsatada, culimada, dhallinyarada iyo haweenka beesha Xawaadle kaalinta mugga leh ee naf iyo maalba loo huray ee ay ku bixiyeen dagaalka ka dhanka ah argagixisada. Waxaana u rajeynayaa in guulo hor leh ay kasoo hoyaan halganka dalka, dadka iyo diinta lagu difaacayo.
Waxaan ugu duceynayaa Ugaas Yuusuf in Allaah ugu kaalmeeyo hoggaaminta beesha, kuna guuleeyo ilaalinta midnimada iyo wadajirka Beesha Xawaadle iyo daris wanaagga ku dhisan nabadda ee guud ahaan gobolka Hiiraan.
Waxaan sidoo kale u rajeynayaa In duubista maanta la duubay ay u horseeddo nabadeynta iyo wada deganaanshaha guud ahaan beelaha ku wada dhaqan gobolka, iyo in Ugaaska kaalin ka qaato horumarka Dalka iyo dib-u-heshiisiinta bulshada Soomaaliyeed.
https://t.me/sharifshahmed