Madaxweynaha Maamulka Somaliland, Cabdiraxmaan Cabdillaahi (Cirro), ayaa la filayaa inuu maanta socdaal rasmi ah ku tago dalka Qatar, kadib markii uu ka helay madaxda dalkaas.
Inkasta oo aan weli si rasmi ah looga hadal ujeeddada safarka, hadana ilo-wareedyo xog-ogaal ah ayaa xaqiijiyay in Madaxweynaha iyo wafdi oo uu hoggaaminayo ay maanta u ambabixi doonaan caasimadda Qatar ee Doha.
Safarkan ayaa lagu tilmaamay mid muhiimad gaar ah u leh xoojinta xiriirka diblomaasiyadeed ee u dhexeeya Somaliland iyo Qatar.
Sida la sheegay, Wafdiga Cirro ayaa lagu wadaa inuu kulamo la yeesho madaxda sare ee dowladda Qatar, kuwaas oo diiradda lagu saari doono arrimaha iskaashiga laba geesoodka ah, horumarka, maalgashiga iyo fursadaha iskaashi ee mustaqbalka.
Safarkan ayaa imanaya xilli hore Madaxweynaha Somaliland safaro ugu tagey dalalka gobolka iyo Bariga Dhexe.