Madaxweynaha Somaliland, Mudane Cabdiraxmaan Maxamed Cabdillaahi (Cirro), ayaa qorsheynaya inuu safar ku tago magaalada Addis Ababa ee dalka Itoobiya, taasoo noqon doonta Dalkii saddexaad ee uu booqdo tan iyo markii uu xafiiska la wareegay bishii November 2024.
Safarradii uu dhawaan ku tagay Jabuuti iyo Kenya, Cirro wuxuu kulammo la yeeshay madaxda labadaas dal, gaar ahaan Madaxweynaha Jabuuti Ismaaciil Cumar Geelle iyo Madaxweynaha Kenya William Ruto. Inkastoo ay jiraan xagal-daacyo siyaasadeed oo Kenya ka dhacay, haddana safarradaasi waxay ahaayeen kuwa wax-ku-ool ah, oo looga gol lahaa in la dhiso xiriirro diblumaasiyadeed oo cusub, oo dhexmara Soomaaliland iyo Dalalka Jabuuti iyo Kenya.
xidhiidhka Somaliland iyo Itoobiya ayaa yeelan doono miisaan aad u culus oo dhinacyo badan leh gaar ahaan— siyaasadeed, amni iyo ganacsi.
Hargeysa iyo Addis Ababa — waxay si cad u muujinayaan rabitaankooda ah in la cusbooneysiiyo iskaashigii hore. Itoobiya weli waxay u aragtaa Somaliland inay tahay lammaane istiraatiiji ah oo muhiim ah, iyadoo dowladda federaalka Soomaaliya ay wali diidan tahay iskaashi dhexmara Labada dhinac.
Dowladda Itoobiya ayaa sidoo kale dhawaan ku baraarugta xidhiidhka cusub ee ka dhaxeeya Somaliland iyo Mareykanka, xilli la qorsheynaya in Taliyaha Guud ee AFRICOM, Gen. Michael Langley, uu booqdo Hargeysa.
Wafdi Sare oo ka socda Somaliland ayaa sidoo kale la filayaa in ay booqdaan Mareykanka bartamaha sanadkaan.
Safarka Madaxweyne Cirro ee Itoobiya ayaa noqon kara fursad dib loogu cusbooneysiiyo xiriir diblumaasiyadeed oo istiraatiiji ah, loogana gudbo madmadowgii hore. Somaliland waxay isu muujinaysaa inay diyaar u tahay inay la falgasho beesha caalamka — xilli ay Soomaaliya inteeda kale ay wajahdo caqabado amni iyo mid siyaasadeed oo faraha ka baxay.