Madaxweynaha Muddo xileedkiisu dhamaadka yahay ee ay u harsan tahay 12 bilood oo keliya, Mudane Xasan Sh Maxamuud, maanta waxaa u buuxsantey 3 sano mudo xileedkiisa taasoo ahayd Saddexdii sano ee ugu qalalaasaha badnayd siyaasadda, amaanka iyo dhaqaalaha Soomaaliya. marka la barbar dhigo intii laga baxay xaalada KMG ah ee Dawladnimada Soomaaliya.
Inkasta oo Madaxweyne Xasan Sh Maxamuud ku faanay waxqabad ay kamid tahay dayn cafinta, qaadista cunaqabataynta hubka iyo qodobo kale haddana waxaa dul hoganaya mowjado ceebo ah oo Dawladanimada Soomaaliya u dhutin doono tobanaan sano oo danbe kuwaasoo ay ugu horeeyaan.
1. Hubkii ugu badnaa oo gacanta Al-shabaab galay, kaasoo u suurtageliyey inay dhul badan dib u qabsadaan.
2. Burburkii ugu xooganaa oo ku dhacay Ciidanka Xooga dalka, iyadoo ay kala daateen ciidamadii ugu tababarka fiicnaa ee Soomaaliya loo dhisay kuwaasoo kala ah, ciidanka Gorgor iyo Ciidanka ilaali Qaran ee lagu soo tababaray dalka Eritrea.
3. Boobkii ugu badnaa iyo xaraashkii abid ugu darnaa oo ku dhacay Hantida Ma-guurtada ah ee Dawlada, gaar ahaana dhulkii Dawlada ee Muqdisho oo lagu xaraashay lacago loo badinayo inay ku dhaceen jeebab gaar ah.
4. Kala irdhowgii Siyaasadeed ee ugu xumaa oo dalka ka dhacay, iyadoo khilaafkii ugu darnaa ee siyaasadeed oo soo bilowday sanadkii u horeeyey ee mudo xileedka Madaweyne Xasan Sh Maxamuud uu hadda meel xun gaarey.
Madaxweyne Xasan Sh Maxamuud, oo dalka ka taliyey laba mudo xileed, waxaa lagu eedeeyey masuul aan waxka baran tagtada, Islamarkaana maarayn karin timaadada taasoo aqoonyahan badan ku abuurtay welwelka in wadanku ku laabto xaaladii KMG nimada ama uu gacanta u galo kooxaha xagjirka ah.