Madaxweynaha Mareykanka Donald Trump ayaa la kulmay Madaxweynaha Kumeelgaarka ah ee Suuriya, Axmed al-Sharaa, magaalada Riyadh, Saudi Arabia. Kulankan ayaa ah kii ugu horreeyay ee madaxda labada dal yeeshaan muddo 25 sano ah.
Trump ayaa ku dhawaaqay in Mareykanku uu qaaday dhammaan cunaqabatayntii saarneyd Suuriya, isagoo sheegay in tani ay fursad u tahay Suuriya si ay u gaarto nabad iyo horumar.
Wuxuu sidoo kale ku dhiirrigeliyay al-Sharaa inuu la saxiixdo heshiisyada Abraham Accords si loo hagaajiyo xiriirka Suuriya iyo Israa’iil, isla markaana uu dalka ka saaro kooxaha jihadyinta gaar ahaan kuwa Falastiiniyiinta ah. 
Al-Sharaa, oo horey uga tirsanaa kooxaha mucaaradka hubeysan ee Suuriya, ayaa hadda hoggaaminaya dowlad kumeelgaar ah kadib markii uu xilka ka tuuray Bashar al-Assad bishii Diseembar 2024.
Inkasta oo xiriirkiisii hore ee kooxahi dagalamayey xarirki uu lalahaa uu muran dhaliyay, haddana Trump ayaa sheegay in isbeddelka hoggaamineed ee Suuriya uu fursad u yahay dib u heshiisiin iyo iskaashi cusub.
Go’aanka Trump ayaa taageero ka helay madaxda Sacuudiga iyo Turkiga, balse wuxuu dhaliyay walaac xooggan oo ka yimid Israa’iil, iyadoo la sheegay in Israa’iil ay ka cabsi qabto in tallaabadani ay xoojiso kooxaha kasoo horjeeda.
TrumpAlSharaa