Madaxweynaha Dowladda Jubaland, Mudane Axmed Maxamed Islaam, ayaa hambalyo u diray guud ahaan Ummadda Soomaaliyeed munaasabadda 1-da Luulyo oo ku asteysan maalinta xornimada Gobollada Koonfureed iyo midowgii Waqooyi iyo Koonfur ee Soomaaliya.
Madaxweynuhu wuxuu sheegay in maalintani tahay xusuus qaran oo mudan in la xuso, isagoo yiri:
“Waxaan guud ahaan Ummadda Soomaaliyeed ugu hambalyaynayaa munaasabadda 1-da Luulyo, oo ku asteysan 65 sano guuradii kasoo wareegtay xornimada Gobollada Koonfureed ee dalkeenna, markii ay ka xoroobeen gumeystihii Talyaaniga. Munaasabaddan qiimaha leh, waxay astaan u tahay halgankii naf-hurnimada lahaa ee ay sameeyeen halyeeyadii Soomaaliyeed ee dhiiggooda iyo maskaxdooda u huray xoriyadda dalkeenna.
Waa maalin aynu dib isu xusuusineyno qiimaha midnimada, wadajirka iyo mas’uuliyadda naga saaran sidii aan ugu midoobi lahayn himilooyinka waa weyn ee dalkeenna.”
Dabaal dagyadii waa waynaa Ee Maalmihii la Soo dhaafay Sida wayn looga dareemaayay diyaar garowgooda Guud ahaan Deegaanada Jubaland si Gaar ah XMG ah Ee Dawladda Jubaland kismaayo ayaa loo Hakiyay Tacsida Geeridii ku timid Madaxwayne Ku-xigeenkii labaad Ee Dawladda Jubaland Marxuum Cabdiqadir Xaaji Maxamud.
Ayadoo la ixtiraamayo Dadaalkii naf hurnimada lahaa Ee Madaxwayne Ku-xigeenkii labaad Ee Dawladda Jubaland Marxuum Cabdiqadir Xaaji Maxamud uu Soo galiyay Dawlad dhiska Guud ahaan Soomaaliya Gaar ahaan Doorkiisii lamahadiyay Ee uu kulahaa Dawladnimada Jubaland ayeey Madaxda Iyo Shacabka Jubaland garteen Maalin uun kadib geeridiisa inaan xaflado waawayn la qaban Karin.
Xarunta Madaxtooyada Jubaland ayaa Lagu qabtay Manaasabad kooban oo lagu Maamuusayay Maalinta Gaar ka ah Ee 1-da luuliyo Ee ku Astaysan Xornimada Gobolada Koofureed iyo Midowga Waqooyi iyo koonfur.