MADAXWEYNAHA DOWLADDA HIRSHABEELLE OO KU BIIRAY URUR SIYAASADDEEDKA CADAALADDA IYO WADAJIRKA.
Munaasabadda la xiriirta ku dhawaaqista Urur Siyaasaddeedka Cadaaladda iyo Wadajirka ayaa caawa ka dhacday magaalada Muqdidho.
Ugu horeyn waxaa lagu meelmariyey dastuurka uu Urur Siyaasaddeedka Cadaallada iyo Wadajirka uu ku shaqeynayo iyo qaab-dhismeedka ururka.
Guddoomiyaha Fulinta ee Ururka waxaa noqday Madaxweynaha JFS Dr. Xasan Sheekh Maxamuud.
“Waxaan qeyb ka ahay geeddiga cusub ee Urur Siyaasaddeedka Cadaaladda iyo Wadajirka, tani waxa ay horseedi doontaa in muwaadinka uu ku ciil-baxo codkiisa.” Waxaa sidaas goobta ka yiri Madaxweynaha Dowladda Hirshabeelle.
Ugu dambeyn Madaxweynaha Dowladda Hirshabeelle ayaa hambalyo u diray masuuliyiinta iyo shacabka ku midoobay Urur Siyaasaddeedka Cadaaladda iyo Wadajirka.