Madaxweynaha dalka Nageria Bola Tinubu ayaa soo saaray amar uu ku mamnuucayo safarada dibadda ah ee u baxaan wasiirrada iyo masuuliyiinta kale ee dalkaasi, kaddib markii ay korortay lacagta ku baxeysa safaradaasi.
Bola Tinubu ayaa walaac ka muujiyay dhaqaalaha tirada badan ee ku baxaya safarada dibadda ah, waxa uuna sheegay in dhaqaalaha ku baxaya safarada yihiin kuwa laga maarmi karo oon muhiim aheyn.
Mamnuucida safarada dibadda ee wasiirrada iyo madaxda kale ee dowladda Nageria ayaa bilaabaneysa 1-da bishan soo socota ee April, waxaana dowladda Nageria lagu dhaliilay dhaqaalaha badan ee safarada ku bixiyaan.
Madaxweynaha dalka Nigeria ayaa la sheegay in ugu yaraan 3.4bn naira ($2.2m) uu ku bixiyay safarrada gudaha iyo dibadda lixdii bilood ee ugu horreysay ee uu madaxweynaha ahaa, taas oo ka badan 36% miisaaniyadda sannadka 2023.