Dowlad-goboleedka Puntland ayaa ka jawaabay war saxaafadeed ka soo baxay Dowladda Federaalka oo la xiriiray xaaladda Markabka MV Sea World, kaas oo lagu qabtay xeebaha gobolka Bari, gaar ahaan agagaarka degmada Bareeda.
Puntland waxay sheegtay in markabkan laga shakiyay iyadoo ay saaran yihiin saanad ciidan oo loo waday magaalada Muqdisho.
Maamulka ayaa sheegay in markabkan uu dalka soo galay 18-kii Luulyo 2025, iyadoo la helay xogta la xiriirta in markabkaas uu ku sugan yahay xeebaha maamulkaasi.
“Ciidamada Ilaalada Xeebaha Puntland ayaa markabka gacanta ku dhigay, kadib hawlgal ay sameeyeen, waan baarnay waxaana si horudhac ah u ogaanay inuu kaliya qalab militeri sido” ayaa lagu yiri bayaanka Puntland.
Sidoo kale, Puntland ayaa sheegtay inuu la soo xiriiray Safiirka Turkiga ee Soomaaliya, isaga oo kala hadlay xaaladda Markabka Sea World.
Ugu dambeyn, Puntland ayaa codsatay in Dowladda Federaalka Soomaaliya iyo Turkiga ka caawiyaan baaritaanka Markabka sida saanada ciidan kuna soo jeeday Magaalada Muqdisho.
Hoos ka akhriso War-saxaafadeedka
