Xildhibaannada & Senatarrada Labada Aqal ee Baarlamaanka 11aad Jamhuuriyadda Federaalka Soomaaliya oo maanta kulan wadajir ah ku yeeshay Muqdisho ayaa ansixiyay habraaca Fadhiyada wadajirka ah ee ansixinta saddexda Hindise sharciyeed u ku shaqeynayo Guddiga kumeel-gaarka ah ee u xilsaaran diyaarinta xeerarka Doorashooyinka, Ururrada & Xisbiyada.
170 Mudane oo labada Gole ee Baarlamaanka Jamhuuriyadda Federaalka Soomaaliya katirsan ayaa ogolaatay, ma jirin Xildhibaan ama Senatar diiday ama ka aamusay sida uu sheegay shir guddoonka kulankii maanta oo natiijada ku dhawaaqay markii la tiriyay codeyntii gacan taagga ahayd ee arrintaan lagu ansixiyay.
Guddiga ka shaqeynaya xeerarka Doorashooyinka, Ururrada & Xisbiyada Siyaasadda Jamhuuriyadda Federaalka Soomaaliya oo kusoo baxay Liis si wadajir ah usoo saareen Guddoomiyeyaasha Golaha Shacabka Sheekh Aadan Madoobe iyo Aqalka Sare Cabdi Xaashi Cabdullaahi ayaa iska dhex doortay Guddoomiye iyo ku xigeenkiisa.
Dowladda Federaalka Soomaaliya ayaa sheegtay in ay diiradda saareyso qorshaha iyo dedaallada lagu gaarayo Doorasho qof & cod ah, Baarlamaanka ayaa dhowaan ogolaaday in bishaan oo fasax geli lahaayeen sii shaqeeyo kaddib codsi uga yimid Madaxweyne Xasan Sheekh Maxamuud si looga shaqeeyo arrimaha Doorashooyinka iyo xeerarka kale ee muhiimka ah.