Maamulka Jubbaland ayaa ku dhawaaqay in ay si buuxda ula wareegeen xarunta degmada Beledxaawo iyo guud ahaan ammaanka magaalada, kadib dagaal culus oo maanta dhacay.
Dagaalka ayaa dhacay kaddib markii uu magaalada ku soo degay Taliyaha Nabadsugidda dowladda Soomaaliya ahna Hogaanka Amniga Gedo, Abdirashiid Janan, oo muddo dheer ka maqnaa gobolka.
Taliyaha ayaa lagu dajiyay xerada ciidamada ee UK, waxaana la socday laba diyaaradood oo nooca qumaatiga u kaca ah (helikobtaro), kuwaas oo sida la sheegay siday ciidamo gaar ah iyo saraakiil amni.
Labada kadib ayaa kadib dagaal culus ku dhexmaray gudaha magaalada Beledxaawo ee Gobolka Gedo
Guddoomiyaha Gobolka Gedo ee Jubbaland iyo guddoomiyaha degmada Beledxaawo ayaa xaqiijiyay in ciidamada Jubbaland ay la wareegeen gacan ku haynta xarunta degmada Beledxaawo.
Xaaladda magaalada Beledxaawo ayaa haatan la sheegay in ay degantahay, inkasta oo dadka deegaanka ay wali ka cabsi qabaan suuragalnimada dagaallo kale oo markale qarxa.