Dad ka badan 100 qof ayaa ku dhintay duqayn cirka ah oo ay Israaโiil saaka waaberigii ku qaaday meel gabbaad ah oo ku taal iskuul ku yaalla magaalada Gaza.
Milatariga Israaโiil ayaa sheegay in ay duqeeyeen goobtaas sabtidii, iyagoo ku tilmaamay bartilmaameedkooda xarun taliska Xamaas oo ku dhex taal iskuulka.
Sida laga soo xigtay wakaaladda difaaca madaniga ah ee Gaza, duqaynta ka dhacday degmada Daraj waxaa ku dhintay ugu yaraan 103 qof, tiro kalena waa ay ku dhaawacmeen.
โDhimashadu waxay hadda u dhaxaysaa 100 ilaa 110, waxana jira tobanaan kale oo dhaawacyo ah halis qaba,โ ayuu afhayeenka wakaaladda Mahmud Bassal u sheegay wakaaladda wararka ee AFP.
โSaddex gantaal oo Israaโiili ah ayaa ku dhacay iskuul ay degenaayeen Falastiiniyiinta soo barakacay.โ ayuu intaas ku daray
Mar sii horeysay qoraal uu soo dhigay Telegram-ka ayuu ku sheegay in goobta ay ka dhaceen xasuuq aad u fool xun, isagoo sheegay in shaqaalaha ay isku dayayeen inay xakameeyaan dabka, si ay u badbaadiyaan dadka dhaawaca ah, isla markaana ay u soo saaraan meydadka.
Muuqaal uu telefishinka Al-jazeeraย ka soo bandhigay iskuulka ay saaka duqeymaha ka geysatay Israaโiil , xilli ay salaadda subax ku jireen dadka rayidka ah ee gabaadka ka dhigtay iskuulka Al-Tabaciin ee bartamaha Qasa ayaa waxaa ka muuqda baliyo dhiig ah oo qulqulaya iyo meydad gogoโay oo meel welba daadsan
Dhimashada ayaa saacad walba kordhaysa, sababo la xiriira dhaawacyada culus ee duqeyntan ka dhashay. Wariyaha Al-jazeera wuxuu sheegay in xasuuqa goobta ka dhacay uu yahay mid fool xun oo wax lagu sifeeyo aysan jirin.
ย 
ย 
ย 
ย 
ย 
ย 