Iran wali diyaarado dagaal kuma weerarin Israel, sababtoo ah…
Ilo-wareedyo amni ayaa sheegaya in Iran aysan weli hawada u dirin diyaarado dagaal oo si toos ah u weerara Israel, sababo la xiriira awood awooda diyaaradaheeda, khatar amni iyo xisaab siyaasadeed.
Hadaba waa kuwaan qodobada diidaya:
-Iran waxay leedahay diyaarado duug ah oo aan la tartami karin diyaaradaha casriga ah ee Israel sida F-35. Madaama Israel ku hubaysantahay hubkii ugu dambeeyay Maraykanku soo saaray Irana cunaqabatayn saarneed.
-Masaafada dheer ee u dhaxeysa Iran iyo Israel waxay ka dhigeysaa weerar hawadeed mid halis badan, iyadoo aysan jirin waddamo u oggolaanaya Iran inay hawadooda isticmaasho cabsi ay ka qabaan Maraykanka.
-Israel waxay leedahay difaac hawada aad u sareeya sida Iron Dome iyo Arrow, taas oo adkeyneysa in weerar guuleysto. Difaaca Israel ilaa hada waxaa ka gudbay gantaalada hormarsan ee Iran oo guuxooda ka dheereeya.
-Iran waxay doorbideysaa weerarada aan tooska ahayn sida gantaalaha, drones, iyo kooxaha xulafadeeda ah (sida Xisbullah iyo Xuutiyiinta).
-Cabsida dagaal ballaaran oo Israel iyo Maraykanka ay si buuxda ugu lug yeeshaan ayaa ah sabab kale oo Iran uga baaqatay duullaan toos ah. Sababtoo ah hadii Iran diyaarado soo dirto waxaa soo ridaya ciidanka Maraykanka ee bariga jawaabta Irana waxa ay sababi doontaa dagaal toos ah.
Iran waxay iska ilaalinaysaa weerar diyaarado dagaal ah oo toos ah, iyadoo adeegsanaysa xeelado kale sida gantaallo iyo kooxo wakiil ah si ay cadaadis ugu saarto Israel.
Diyaaradaha Iran haysato.
Iran waxay haysataa diyaarado dagaal oo tiro badan, balse inta badan waa duug ama dib loo cusbooneysiiyay tan iyo kacaankii 1979. Qaar ka mid ah waxaa laga dhaxlay xilligii boqortooyada (Shah), halka qaar kale laga helay Ruushka iyo Shiinaha. Waxaa sidoo kale jira diyaarado ay Iran iskeed u samaysay.
-F-14 Tomcat – laga keenay Maraykanka
– F-4 Phantom II – Maraykan
– F-5 Tiger – Maraykan
-MiG-29 Fulcrum – Ruush
– Sukhoi Su-24 – Ruush
-Chengdu F-7 – Shiinaha (nuqul ka ah MiG-21)
-Mirage F1 – laga helay Ciraaq xilligii dagaalkii Khaliijka
-Kowsar – Iran (nuqul ay Iran ka samaysay F-5)
-Saeqeh – Iran (nuqul casri ah oo laga sameeyay F-5)
-Azarakhsh – Iran (tijaabo, asal ahaan F-5)
-Qaher-313 – Iran (diyaarad la sheegayo inay tahay stealth, balse la isku khilaafsan yahay).
Iran waxa ay sidoo kale leedahay mid ka mid diyaaradaha Droneska ee ugu casrisan aduunka sida Shahiid oo kale